Қазақстан Республикасының шекара саясаты

Қазақстан Республикасының шекара саясаты. Қазақстан Республикасы аумақтық тұтастықтың және Мемлекеттік шекараға қол сүғылмайтындығының халықаралық принциптерін негізге ала отырып:

• Мемлекеттік шекараны Қазақстан Республикасы егеменді құқықтардың бүкіл билігіне ие болатын аумақтың (кұрғақ, су, жер қойнауы, әуе кеңістігінің) заң жүзінде баянды етілген кеңістігі шегін анықтайтын сызық ретінде қарастырады;
• бұрынғы КСРО жөнінде жарияланған құқықтық мирасқорлықты негізге ала отырып, халықаралық шарттармен, соның ішінде Қазақстан Республикасының және КСР Одағының бұрынғы республикалары болған басқа да мемлекеттердің әкімшілік-аумақтық межеленуі туралы актілерде белгіленген өз Мемлекеттік шекарасының өтуін қуаттайды;
• Қазақстан Республикасының Мемлекегтік шекарасын белгілеген және оның өтуін өзгерткен, Қазақстан Республикасының шекарадагы шектес мемлекеттермен құқықтық қатынастар орнатқан және қолдап отырған, Қазақстан шекаралық аудандарындағы (су айдындарындагы) және Қазақстан аумағынан өтетін халықаралық жолдардагы құқық қатынастарын реттеген кезде Қазақстан Республикасының қауіпсіздігі мен халықаралык қауіпсіздікті қамтамасыз ету мақсаттарын, шектес мемлекеттермен өзара тиімді жанжақты ынтымақтастық мүдделерін, шекара мәселелерін бейбіт, күш қолданбай шешу принциптерін басшылыққа алады;
• Тәуелсіз Мемлекеттер Достастығына қатысушы мемлекеттермен Мемлекеттік шекара тәртібін белгілеуді және оны қорғау жөніндегі қызметті үйлестіріп отырады.