Қазақстан Республикасының Қарулы Күштеріне 10 жыл медалі
«Қазақстан Республикасының Қарулы Күштеріне 10 жыл» медалі — Қазақстан Республикасы Президентінің 2002 жылғы 7 мамырдағы № 865 Жарлығымен Қазақстан Республикасының Қарулы Күштеріне тағайындалған Қазақстан Республикасының мемлекеттік марапаты.
| «Қазақстан Республикасының Қарулы Күштеріне 10 жыл» медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 7 мамыр 2002 жыл |
| Жоғары марапаты | «Қазақстан Республикасының тәуелсіздігіне 10 жыл» медалі |
| Төменгі марапаты | «Қазақстан темiр жолына 100 жыл» медалі |
| Medal "10 Years of the Military Forces of Kazakhstan" Ортаққорда | |
Медаль туралы ереже өңдеу
Мерейтойлық медалмен 2002 жылғы 7 мамырға дейін Қазақстан Республикасының Қарулы Күштерінде, басқа әскерлер мен әскери құралымдарында әскери қызметте болған, қызметінде оң сипатталған және әскери борышын үлгілі орындаған әскери қызметшілер, сондай-ақ Қазақстан Республикасы Қарулы Күштерінің құрылысына елеулі үлес қосқан басқа да тұлғалар марапатталды.
Сипаттамасы өңдеу
«Қазақстан Республикасының Қарулы Күштеріне 10 жыл» медалі жезден жасалған және диаметрі 34 мм дөңгелек пішінді.
Медальдың бет жағында тегіс екі қырлы сәулелері бар бес бұрышты дөңес лағыл түсті жұлдыз, күн мен қалықтаған қыран бейнеленген. Жұлдыз доғал бұрыштарынан шығатын бес сәуле шоғырының аясында орналасқан. Жұлдыздың айналасында лавр бұтақтарының гүлшоғы бейнеленген. Медальдың төменгі жағында «1992» және «2002» сандары бірінен соң бірі орналасқан.
Медалдің арт жағында ортасында «Қазақстан Республикасы Қарулы Күштеріне 10 жыл» деген жазу бар.
Медалдағы жазудың барлық кескіндері дөңес. Медалдың шеттері жиекпен көмкерілген.
Медаль ені 34 мм және биіктігі 50 мм алтыбұрышты қалыппен ілмек және сақина арқылы жалғанып, жібек муар таспасымен қапталған. Таспаның ортасында ені 3 мм екі алтын жолақ, олардың арасында ені 2 мм қызыл жолақ орналасқан, ал алтын жолақтардың жиектерінде ені 9 мм көк жолақтар бар. Таспаның шетінде ені 2 мм жасыл жолақтар бар. Таспаның ені — 30 мм.
Медаль киімге түйреуіш арқылы ілінеді.
Медаль Өскемендегі Қазақстан теңге сарайында дайындалды.