Қазақстан Республикасы Ішкі істер министрлігінің Есірткі қылмысына қарсы іс-қимыл комитеті
Қазақстан Республикасы Ішкі істер министрлігінің Есірткі қылмысына қарсы іс-қимыл комитеті — есiрткi, психотроптық заттар, сол тектестер мен прекурсорлардың айналымы, олардың заңсыз айналымы мен теріс пайдаланылуына қарсы күрес саласындағы мемлекеттік саясатты іске асыратын Қазақстан Республикасы Ішкі істер министрлігінің ведомствосы.
| Қазақстан Республикасы Ішкі істер министрлігінің Есірткі қылмысына қарсы іс-қимыл комитеті | |
|---|---|
| Жалпы мағлұмат | |
| Мемлекет |  Қазақстан
|
| Құрылған уақыты | 11 қыркүйек 2024 жыл |
| Штаб-пәтері | Астана қаласы, Алматы ауданы, Тәуелсіздік даңғылы 1 |
Тарихы
өңдеу2000 жылы ақпанда Президент Жарлығымен Нашақорлыққа және есірткі бизнесіне қарсы күрес агенттігі құрылды.
2000 жылы желтоқсандағы Президент Жарлығымен және 2001 жылы қаңтардағы Үкімет қаулысымен Нашақорлыққа және есірткі бизнесіне қарсы күрес агенттігі таратылып, оның негізінде Әділет министрлігінің Есірткі бизнесіне қарсы күрес және есірткі айналымын бақылау комитеті құрылды.
2003 жылғы желтоқсандағы Президент Жарлығымен және 2004 жылы қаңтардағы Үкімет қаулысымен Әділет министрлігінің Есірткі бизнесіне қарсы күрес және есірткі айналымын бақылау комитеті Ішкі істер министрлігіне берілді.[1] 2014 жылы Үкімет қаулысымен комитет таратылды.[2]
ҚР Үкіметінің 2024 жылғы 11 қыркүйектегі № 735 қаулысымен Ішкі істер министрлігінің жанынан Есірткі қылмысына қарсы іс-қимыл комитеті қайта құрылды.[3]
Міндеттері
өңдеу- есірткі құралдарының, психотроптық заттардың, сол тектестердің және прекурсорлардың айналымы, сондай-ақ олардың заңсыз айналымы мен оларды теріс пайдалануға қарсы іс-қимыл саласындағы мемлекеттік саясатты ұйымдастыру және іске асыру
- есірткі құқық бұзушылықтарының профилактикасы және оған қарсы іс-қимыл мәселелері бойынша мемлекеттік органдар мен өзге де ұйымдардың қызметін ведомствоаралық үйлестіруді қамтамасыз ету
- есірткі құралдарымен, психотроптық заттармен, сол тектестермен және прекурсорлармен байланысты қылмыстардың алдын алу, анықтау, жолын кесу және ашу
- есiрткi құралдары, психотроптық заттар, сол тектестер мен прекурсорлардың айналымына мемлекеттік бақылау жүргізуді ұйымдастыру[4]
Дереккөздер
өңдеу- ↑ "Қазақстан Республикасы Ішкі істер министрлігінің кейбір мәселелері" ҚАЗАҚСТАН Үкіметінің 2004 жылдың 3 наурыздағы № 261 қаулысы (ҚАЗАҚСТАН ПҮАЖ, 2004, № 11, 139-бап).
- ↑ Қазақстан Республикасы орталық атқарушы органдарының ведомстволары туралы
- ↑ Қазақстан Республикасы Ішкі істер министрлігінің кейбір мәселелері туралы
- ↑ Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы