Қазақстан Республикасы Ішкі істер министрлігінің Әкімшілік полиция комитеті

Қазақстан Республикасы Ішкі істер министрлігінің Әкімшілік полиция комитеті — қоғамдық тәртіпті сақтау, жол жүрісі қауіпсіздігі, қылмыстық және әкімшілік құқық бұзушылықтарды ескерту, анықтау және жолын кесу, қылмыстарды ашу, құқық бұзушылықтардың алдын алу, кәмелетке толмағандар арасындағы құқық бұзушылықтардың алдын алу, өз құзыреті шегінде тұрмыстық зорлық-зомбылыққа қарсы күре саласында мемлекеттік саясатты іске асыру, Қазақстан Республикасының заңнамасында белгіленген құзыреті шегінде әкімшілік өндірісті жүзеге асыру салаларында басшылық жасауды қамтамасыз ететін Қазақстан Республикасы Ішкі істер министрлігінің ведомствосы.

Қазақстан Республикасы Ішкі істер министрлігінің Әкімшілік полиция комитеті (ҚР ІІМ ӘПК)
Жалпы мағлұмат
Мемлекет	Қазақстан
Құрылған уақыты	21 сәуір 2006 жыл
Штаб-пәтері	010000, Астана қаласы, Алматы ауданы, Тәуелсіздік даңғылы, 1-үй
Төрағасы	Сұлтанбаев Қайсар Әбілекұлы
Ресми сайты
gov.kz/memleket/entities/police?lang=kk

Тарихы

Әкімшілік полиция комитеті Қазақстан Республикасы Үкіметінің 2006 жылғы 21 сәуірдегі №313 Қаулысымен құрылды.

Міндеттері

1. Құқық бұзушылық профилактикасы
2. Қоғамдық тәртіпті сақтау
3. Жол жүрісін және оның қауіпсіздігін қамтамасыз етуде мемлекеттік бақылау және қадағалау
4. Азаматтық және қызметтік қару мен оның патрондары айналымын мемлекеттік бақылау
5. Күзет қызметі саласында мемлекеттік бақылау
6. Ішкі істер органдарына ведомстволық бағынысты әкімшілік құқық бұзушылықтар туралы істер бойынша әкімшілік өндірістің жағдайын бақылау

Құрылымы

Комитеттің 1 бөлімі және 7 басқармаcы бар (2023 жылға):

1. Қару айналымын бақылау бөлімі
2. Ұйымдастырушылық-аналитикалық жұмыс және бақылау басқармасы
3. Қоғамдық тәртіпті сақтау басқармасы
4. Әкімшілік практика басқармасы
5. Ювеналдық полиция және әйелдерді зорлық-зомбылықтан қорғау басқармасы
6. Профилактикалық қызмет басқармасы
7. Тіркеу және цифрландыру басқармасы
8. Жол қауіпсіздік басқармасы