Қазақстан Республикасы Еңбек және халықты әлеуметтік қорғау министрлігінің Көші-қон комитеті

Қазақстан Республикасы Еңбек және халықты әлеуметтік қорғау министрлігінің Көші-қон комитеті — халықтың көші-қоны саласында басшылықты жүзеге асыратын Қазақстан Республикасы Еңбек және халықты әлеуметтік қорғау министрлігінің ведомствосы.

Қазақстан Республикасы Еңбек және халықты әлеуметтік қорғау министрлігінің Көші-қон комитеті
Жалпы мағлұмат
Мемлекет	Қазақстан
Құрылған уақыты	29 қазан 2004 жыл (алғаш құрылды) 16 наурыз 2022 жыл (қайта құрылды)
Штаб-пәтері	010000, Астана қаласы, Есіл ауданы, Мәңгілік ел даңғылы, 8-үй, "Министрліктер үйі" әкімшілік ғимараты, №6 кіреберіс
Төрағасы	Әсет Шонов
Ресми сайты
gov.kz/memleket/entities/kqon?lang=kk

Тарихы

1997 жылы ҚР Көші-қон және демография жөніндегі агенттігі құрылды. 2004 жылы агенттік ҚР Еңбек және халықты әлеуметтік қорғау министрлігінің Көші-қон жөніндегі комитеті болып ұйымдастырылды. 2010 жылы комитет таратылып, 2013 жылы қайта құрылды. 2014 жылы ҚР Денсаулық сақтау және әлеуметтік даму министрлігінің Еңбек, әлеуметтік қорғау және көші-қон комитеті болып өзгертіліп, 2017 жылы ҚР Еңбек және халықты әлеуметтік қорғау министрлігіне берілді. 2022 жылы Көші-қон комитеті министрлік құрамында қайтадан құрылды.

Міндеттері

1. Өз құзыреті шегінде халықтың көші-қоны және босқындар саласындағы мемлекеттік саясатты қалыптастыруға және іске асыруға қатысу

Құрылымы

Комитеттің 4 басқармаcы бар (2023 жылға):

1. Этникалық көші-қон басқармасы
2. Еңбек көші-қон басқармасы
3. Сыртқы көші-қон және босқындар басқармасы
4. Ішкі көші-қон және еңбек ұтқырлығы басқармасы