Қазақстан Республикасы Мәдениет және ақпарат министрлігінің Ақпарат комитеті

Қазақстан Республикасы Мәдениет және ақпарат министрлігінің Ақпарат комитеті — ақпарат саласындағы басшылықты жүзеге асыратын Қазақстан Республикасы Мәдениет және ақпарат министрлігінің ведомствосы.

Қазақстан Республикасы Мәдениет және ақпарат министрлігінің Ақпарат комитеті
Жалпы мағлұмат
Мемлекет	Қазақстан
Құрылған уақыты	16 маусым 2016 жыл
Штаб-пәтері	010000, Астана қаласы, Есіл ауданы, Мәңгілік Ел даңғылы, 8 үй, "Министрліктер үйі" ғимараты, №15 кіреберіс
Төрағасы	Мейірлан Ақылбекұлы Раханов
Ресми сайты
gov.kz/memleket/entities/inf?lang=kk

Тарихы

2004 жылы ҚР Мәдениет министрлігінің Мұрағатты басқару және құжаттама комитеті ҚР Мәдениет, ақпарат және спорт министрлігінің Ақпарат және мұрағат комитеті болып қайта ұйымдастырылды. 2006 жылы комитет ҚР Мәдениет және ақпарат министрлігіне, 2010 жылы ҚР Байланыс және ақпарат министрлігіне, 2012 жылы ҚР Мәдениет және ақпарат министрлігіне берілді. 2014 жылы наурызда комитет таратылып, ҚР Байланыс және ақпарат агенттігіне қосылды. 2014 жылы тамызда агенттік таратылып, ҚР Инвестициялар және даму министрлігінің Байланыс, ақпараттандыру және ақпарат комитеті құрылды. 2016 жылы ҚР Ақпарат және коммуникациялар министрлігінің құрамында Ақпарат комитеті бөлініп шықты. 2019 жылы ол ҚР Ақпарат және қоғамдық даму министрлігінің, 2023 жылы ҚР Мәдениет және ақпарат министрлігінің қарамағына берілді.

Міндеттері

1. бұқаралық ақпарат құралдары және телерадио хабарларын тарату саласындағы мемлекеттік саясатты іске асыруға қатысу
2. бұқаралық ақпарат құралдары және телерадио хабарларын тарату саласында мемлекеттік реттеу мен бақылауды жүзеге асыру
3. Қазақстан Республикасының заңнамасына сәйкес өз құзыреті шегінде бұқаралық ақпарат құралдары саласындағы халықаралық ынтымақтастық
4. мемлекеттік басқарудың тиісті саласына (аясына) басшылықты жүзеге асыру
5. қызметкерлерді жұмысқа қабылдау және жоғарылату кезінде меритократия қағидатын сақтау;
6. телерадио хабарларын таратуды дамыту жөніндегі жобаларды әзірлеуге қатысу
7. әкімшілік құқық бұзушылық туралы істерді қарау және "Әкімшілік құқық бұзушылық туралы" Қазақстан Республикасының кодексінде белгіленген тәртіппен әкімшілік жаза қолдану

Құрылымы

Комитеттің 8 басқармаcы бар (2023 жылға):

1. Баспа бұқаралық ақпарат құралдарында ақпараттық жұмыс басқармасы
2. Теле-, радиоарналардағы ақпараттық жұмыс басқармасы
3. Интернет кеңістікте және әлеуметтік желілерде ақпараттық жұмыс жөніндегі басқармасы
4. Жұртшылықпен байланыс және мемлекеттік органдармен үйлестіру басқармасы
5. Бұқаралық ақпарат құралдары саласындағы бақылау басқармасы
6. Бұқаралық ақпарат құралдары саласындағы рұқсат беру құжаттары басқармасы
7. Мемлекеттік ақпараттық саясатты талдауды жүзеге асыру басқармасы
8. Телерадио хабарларын тарату саласындағы жобаларды дамыту басқармасы

Қарамағындағы мекемелер

• «Талдау және ақпарат орталығы» ШЖҚ РМК