Қазақстан Республикасы Стратегиялық жоспарлау және реформалар агенттігі

Қазақстан Республикасы Стратегиялық жоспарлау және реформалар агенттігі — мемлекеттік жоспарлау жүйесінің негізгі орталығы. Агенттік стратегиялық жоспарлау, мемлекеттік статистика салаларына және реформалар жүргізуге жетекшілік етеді.

Қазақстан Республикасы Стратегиялық жоспарлау және реформалар агенттігі
Жалпы мағлұмат
Мемлекет	Қазақстан
Құрылған уақыты	14 қыркүйек 2020
Мекемені басқарады	Қазақстан Республикасының Президентіне есеп береді
Штаб-пәтері	Астана қаласы
Төрағасы	Ерғалиев Әсет Арманұлы
Ресми сайты
https://www.gov.kz/memleket/entities/aspr?lang=kk

Стратегиялық жоспарлау және реформалар агенттігі Қазақстан Республикасының Президентіне тікелей бағынады және есеп береді.

Тарихы

Қазақстан Республикасы Стратегиялық жоспарлау және реформалар агенттігі алғаш рет 1997 жылы 10 қазанда таратылған Қазақстан Республикасы Стратегиялық жоспарлау агенттігінің атқарымдарын, мүлкін және істерін басқару жөніндегі өкілеттіктерді, сондай-ақ Қазақстан Республикасы Экономика және сауда министрлiгiнiң мүлiктi және iстердi басқару жөнiндегi атқарымдарының, өкiлеттiктерiнiң бiр бөлiгiн беру арқылы орталық атқарушы орган ретінде құрылды. Қазақстан Республикасы Стратегиялық жоспарлау және реформалар агенттігінің төрағасы Қазақстан Республикасының Министрі — Қазақстан Республикасы Үкіметінің мүшесі болды.

Қазақстан Республикасы Президентінің 1998 жылғы 30 маусымдағы №3986 Жарлығына сәйкес Қазақстан Республикасының Стратегиялық жоспарлау және реформалар агенттігі Республика Президентіне тікелей бағынатын және есеп беретін мемлекеттік орган болып қайта құрылды, ал Қазақстан Республикасы Статистика және талдау комитеті оның құрамынан бөлінді. Статистика және талдау комитетiн Үкiмет құрамына кiрмейтiн орталық атқарушы орган ретiнде Қазақстан Республикасының Ұлттық статистикалық агенттiгiне айналдыру арқылы.

Орган алғаш рет 1997 жылы құрылған. Кейін Ұлттық экономика министрлігінің құрамына кірді. 2020 жылы қайта қалпына келтірілді.

Міндеттері

• стратегиялық жоспарлау саласындағы мемлекеттік саясатты қалыптастыру және іске асыру бойынша ұсыныстарды тұжырымдау;
• мемлекеттік басқару жүйесін жетілдіру мен жаңғыртуға қатысу;
• елдің бәсекеге қабілеттілігі мен халықтың әл-ауқатын арттыруға бағытталған реформаларды жүзеге асыру тәсілдерін әзірлеу;
• мемлекеттік статистикалық қызметті дамыту, оның ішінде статистикалық әдіснаманы қалыптастыру және статистикалық ақпараттың анықтығын қамтамасыз ету арқылы дамыту.

Атқарымдары

1) Қазақстан Республикасындағы мемлекеттік жоспарлау жүйесінің мәселелері бойынша нормативтік құқықтық актіні әзірлеу;

2) мемлекеттік жоспарлау жүйесінің әдіснамасы мәселелерін реттейтін құқықтық актілерді әзірлеу және бекіту;

3) мемлекеттік жоспарлау жүйесін жетілдіру бойынша ұсыныстарды тұжырымдау;

4) Қазақстан Республикасының ұзақ мерзімді стратегиялық даму жоспарларын әзірлеу, түзету, олардың іске асырылуын мониторингтеу мен бағалау, Мемлекеттік жоспарлау жүйесінің өзге де құжаттарына мониторинг пен бағалау жүргізу;

5) Мемлекеттік жоспарлау жүйесінің құжаттарын дайындау, келісу, олардың іске асырылу барысын мониторингтеу мен бағалау кезінде мемлекеттік органдар мен квазимемлекеттік сектор субъектілерінің қызметін үйлестіру;

6) Қазақстан Республикасы Президентінің тапсырмасы бойынша реформаларды жүзеге асыру тәсілдерін, реформаларды жүзеге асыруға қажетті нормативтік құқықтық актілердің жобаларын әзірлеу, сондай-ақ олардың іске асырылу барысын мониторингтеу мен бағалау;

7) ведомствоаралық келіспеушіліктер туындаған жағдайда реформаларды іске асыруға, мемлекеттік жоспарлау жүйесінің құжаттарын әзірлеу мен іске асыруға байланысты мәселелер бойынша сараптамалық қорытындылар беру;

8) мемлекеттік органдардың мемлекеттік басқару жүйесін жетілдіруге бағытталған ұсыныстарын келісу;

9) елдің дамуын, халықаралық үрдістерді стратегиялық болжау және оларға талдау жүргізу, сондай-ақ тиісті ұсыныстарды тұжырымдай отырып, әлемдік тәжірибені зерделеу;

10) мемлекеттік органдар қызметінің тиімділігіне бағалау жүргізу әдіснамасын жетілдіру, олардың тиімділігінің көрсеткіштерін айқындау, сондай-ақ ұлттық және ведомстволық статистиканың уақтылы және анық деректеріне қол жеткізуді қамтамасыз ету бөлігінде орталық мемлекеттік органдар мен облыстардың, республикалық маңызы бар қалалардың, астананың жергілікті атқарушы органдары қызметінің тиімділігіне жыл сайынғы бағалау жүргізуге уәкілеттік берілген мемлекеттік органдардың қызметін үйлестіру;

Құрылымы

Жетекшілігі

1. Қазақстан Республикасы Стратегиялық жоспарлау және реформалар агенттігінің Төрағасы — Ерғалиев Әсет Арманұлы
2. Қазақстан Республикасы Стратегиялық жоспарлау және реформалар агенттігі Төрағасының орынбасары — Төлеуов Олжас Аязбиұлы
3. Қазақстан Республикасы Стратегиялық жоспарлау және реформалар агенттігі Төрағасының орынбасары — Шайымова Айгүл Амантайқызы
4. Қазақстан Республикасы Стратегиялық жоспарлау және реформалар агенттігі Төрағасының орынбасары — Өтенов Әркен Хамитұлы
5. Стратегиялық жоспарлау және реформалар агенттігінің аппарат басшысы — Жұмабеков Арман Дайырұлы

Департаменттері

• Агенттік Төрағасының хатшылығы
• Жұмылдыру дайындығы, ақпараттық қауіпсіздік және мемлекеттік құпияларды қорғау қызметі
• Коммуникация қызметі
• Макроэкономикалық саясат департаменті
• Ішкі аудит қызметі
• Персоналды дамыту және басқару қызметі
• Әлеуметтік сала департаменті
• Әкімшілік-құқықтық қамтамасыз ету департаменті
• Институционалдық даму департаменті
• Экономика салалары департаменті
• Стратегиялық жоспарлау және реформалар мониторингі департаменті

Бюросы

• Ұлттық статистика бюросы

Уəкілетті тұлғалары

• Үкіметтік емес ұйымдармен іс-қимыл бойынша уәкілетті тұлға
• Ақпаратқа қол жеткізу мəселелері жөніндегі уəкілетті тұлға

1997 жылғы құрылымы

• Стратегиялық жоспарлау және үйлестiру департаментi
• Экономикалық саясат және арнайы бағдарламалар департаментi
• Бюджеттiк бағдарламалар департаментi
• Ұйымдық-ақпараттық жұмыс басқармасы
• Статистика және талдау жөнiндегi комитетi
• Статистикалық әдiстер, жiктеулер және стандарттар басқармасы
• Болжамдар, талдау және жарияланымдар басқармасы
• Ұлттық есептер басқармасы
• Сыртқы экономикалық қызмет статистикасы басқармасы
• Бағалар және үй шаруашылығы статистикасы басқармасы
• Әлеуметтiк статистика, халық және еңбек басқармасы
• Қызмет көрсету, iшкi сауда, көлiк және байланыс басқармасы
• Ауыл, орман және балық шаруашылығының статистикасы басқармасы
• Өнеркәсiп статистикасы басқармасы
• Құрылыс және инвестициялар статистикасы басқармасы
• Халықаралық статистикалық ынтымақтастық бөлiмi
• Кадр және арнаулы жұмыс бөлiмi
• Статистикалық жұмыстарды қаржыландыру бөлiмi
• Бухгалтерлiк есеп жүргiзу және есеп беру бөлiмi
• Құжат айналымы бөлiмi

Басшылығы

№	Аты-жөні	Қызмет еткен кезеңі	Лауазым атауы
1	Келімбетов Қайрат Нематұлы	2020 жыл 14 қыркүйек — 2022 жыл 6 қаңтар	Қазақстан Республикасы Стратегиялық жоспарлау және реформалар агенттігінің төрағасы
2	Ерғалиев Әсет Арманұлы	2022 жыл 6 қаңтардан бастап	Қазақстан Республикасы Стратегиялық жоспарлау және реформалар агенттігінің төрағасы