Қазақстан Республикасы Цифрлық даму, инновациялар және аэроғарыш өнеркәсібі министрлігінің Аэроғарыш комитеті

Қазақстан Республикасы Цифрлық даму, инновациялар және аэроғарыш өнеркәсібі министрлігінің Аэроғарыш комитеті — ғарыш қызметі саласындағы басшылықты жүзеге асыратын Қазақстан Республикасы Цифрлық даму, инновациялар және аэроғарыш өнеркәсібі министрлігінің ведомствосы.

Қазақстан Республикасы Цифрлық даму, инновациялар және аэроғарыш өнеркәсібі министрлігінің Аэроғарыш комитеті (Қазғарыш)
Жалпы мағлұмат
Мемлекет	Қазақстан
Штаб-пәтері	010000, Астана қаласы, Есіл ауданы, Мәңгілік ел даңғылы, № 8 үй, "Министрліктер үйі" әкімшілік ғимараты, 12-кіреберіс
Төрағасы	Оралмағамбетов Баубек Жеткергенұлы
Ресми сайты
gov.kz/memleket/entities/kazcosmos?lang=kk

Бұрынғы атаулары

• Қазақ ССР Космостық зерттеулер агенттiгi (1991-1993)
• ҚР Министрлер Кабинетi жанындағы Ұлттық аэроғарыш агенттiгi (1993-1995)
• ҚР Ғылым және жаңа технологиялар министрлiгi жанындағы Ұлттық аэроғарыш агенттiгi (1995-1996)
• ҚР Ғылым министрлiгi - Ғылым академиясы жанындағы Ұлттық аэроғарыш агенттiгi (1996-1999)
• ҚР Ғылым және жоғары білім министрлігінің Аэроғарыш комитеті (1999)
• ҚР Энергетика, индустрия және сауда министрлігінің Аэроғарыш комитеті (1999-2000)
• ҚР Энергетика және минералдық ресурстар министрлiгiнің Аэроғарыш комитеті (2000-2002)
• ҚР Көлiк және коммуникациялар министрлiгiнiң Аэроғарыш комитеті (2002-2004)
• ҚР Білім және ғылым министрлігінің Аэроғарыш комитеті (2004-2007)
• ҚР Ұлттық ғарыш агенттігі (2007-2014)
• ҚР Инвестициялар және даму министрлігінің Аэроғарыш комитеті (2014-2016)
• ҚР Қорғаныс және аэроғарыш өнеркәсібі министрлігінің Аэроғарыш комитеті (2016-2019)
• ҚР Цифрлық даму, қорғаныс және аэроғарыш өнеркәсібі министрлiгiнiң Аэроғарыш комитеті (2019 ж. ақпан-маусым аралығы)
• ҚР Цифрлық даму, инновациялар және аэроғарыш өнеркәсібі министрлігінің Аэроғарыш комитеті (2019 ж. маусымынан бері)

Міндеттері

1. ғарыш қызметі саласында мемлекеттік саясатты қалыптастыруға қатысу және іске асыру
2. Қазақстан Республикасының ғарыш саласын қалыптастыру және дамыту
3. ғарыш технологиялары мен қызметтерінің нарығын қалыптастыру үшін жағдайлар жасау
4. Қазақстан Республикасы ғарыш қызметінің заңнамалық және шарттық-құқықтық базасын жасау
5. ғарыш қызметі саласындағы мемлекеттік басқару және мемлекеттік бақылау
6. Ресей Федерациясының "Байқоңыр" кешенін жалға алуы бойынша жұмыстарды өз құзыреті шегінде үйлестіру

Құрылымы

Комитеттің 8 басқармаcы бар (2023 жылға):

1. Қаржы және мемлекеттік сатып алу басқармасы
2. Әкімшілік жұмыс басқармасы
3. Халықаралық байланыс басқармасы
4. Ғарыштық байланыс жүйелері басқармасы
5. Ғылыми-техникалық әзірлемелер басқармасы
6. "Байқоңыр" кешенін дамыту басқармасы
7. Жерді қашықтықтан зондтау, навигация және ғарыш техникасын өндіру басқармасы
8. Жоспарлау, талдау және бақылау басқармасы

Қарамағындағы мекемелер

• «Инфракос» ШЖҚ РМК
• «Бәйтерек» Қазақстан-Ресей бірлескен кәсіпорны» АҚ
• «Республикалық ғарыштық байланыс орталығы» АҚ
• «Қазақстан Ғарыш Сапары» ұлттық компаниясы» АҚ
• «Ұлттық ғарыштық зерттеулер мен технологиялар орталығы» АҚ
• «Ғалам» ЖШС (0,5%)
• «В.Г. Фесенков атындағы астрофизикалық институт» ЖШС
• «Ионосфера институты» ЖШС
• «Ғарыштық техника және технологиялар институты» ЖШС
• «Байқоңырбаланс» РММ

Басшылары

1. Тоқтар Әубәкіров (1993—1994)
2. Айсұлтан Қалыбаев (1994—1998)
3. Мейірбек Молдабеков (1998—2001)
4. Алмас Қосынов (2001—2006)
5. Марат Нұрғожин (2006—2007)
6. Талғат Мұсабаев (2007—2016)
7. Еркін Шаймағамбетов (2016—2019)
8. Баубек Оралмағамбетов (2019 жылдан бастап)