Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті

Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті — байланыс саласындағы реттеушілік және стратегиялық функцияларын орындауға қатысатын Қазақстан Республикасы Цифрлық даму, инновациялар және аэроғарыш өнеркәсібі министрлігінің ведомствосы.

Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті
Жалпы мағлұмат
Мемлекет	Қазақстан
Құрылған уақыты	14 тамыз 2014 жыл (Байланыс, ақпараттандыру және ақпарат комитеті ретінде)
Штаб-пәтері	010000, Астана қаласы, Есіл ауданы, Мәңгілік ел даңғылы, № 55/5 ғимарат, С2.4
Төрағасы	Дамир Сейсембеков
Ресми сайты
gov.kz/memleket/entities/telecom?lang=kk

Тарихы

2000 жылы ҚР Көлiк және коммуникациялар министрлiгiнiң жанынан Байланыс және ақпараттандыру комитеті құрылды. 2003 жылы комитеттің орнына ҚР Ақпараттандыру және байланыс агенттігі құрылды. 2010 жылы агенттік таратылып, ҚР Байланыс және ақпарат министрлігінің Байланыс және ақпараттандыру комитеті құрылды. 2012 жылы комитет ҚР Көлік және коммуникация министрлігінің қарамағына өтті. 2014 жылы наурызда ҚР Байланыс және ақпарат агенттігінің құрылуына байланысты Байланыс және ақпараттандыру комитеті таратылды. 2014 жылы тамызда агенттік таратылып, ҚР Инвестициялар және даму министрлігінің Байланыс, ақпараттандыру және ақпарат комитеті құрылды. 2016 жылы ол ҚР Ақпарат және коммуникациялар министрлігінің Байланыс, ақпараттандыру және бұқаралық ақпарат құралдары саласындағы мемлекеттік бақылау комитеті, ал 2017 жылы Телекоммуникациялар комитеті болып өзгертілді. 2019 жылы ақпанда комитет ҚР Цифрлық даму, қорғаныс және аэроғарыш өнеркәсібі министрлiгiнiң, ал маусым айында ҚР Цифрлық даму, инновациялар және аэроғарыш өнеркәсібі министрлігінің құрамына берілді.

Міндеттері

1. байланыс қызметтері нарығының тиімді жұмыс істеуі үшін, оның ішінде телекоммуникация және пошта байланысы саласында байланыс саласындағы мемлекеттік саясатты жүзеге асыру
2. өз құзыреті шеңберінде байланыс, пошта саласындағы қызметті, сондай-ақ байланыс саласында қызмет көрсететін немесе оларды пайдаланатын адамдардың қызметін мемлекеттік реттеуді және бақылауды жүзеге асыру
3. ұсыныстар әзірлеу және Қазақстан Республикасының байланысын дамыту мен жетілдірудің негізгі бағыттары мен басымдықтарын іске асыру
4. өз құзыреті шеңберінде жеке және заңды тұлғалардың құқықтары мен заңды мүдделерін, сондай-ақ мемлекеттің ұлттық мүдделерін қорғау
5. байланыс саласындағы инфрақұрылымның дамуын жүзеге асыру

Құрылымы

Комитеттің 11 басқармаcы бар (2023 жылға):

1. Телекоммуникациялар саласындағы рұқсат беру құжаттары басқармасы
2. Байланыс саласындағы бақылау басқармасы
3. Сымсыз байланыс жобаларды дамыту және мониторинглеу басқармасы
4. Тіркелген байланыс жобаларды дамыту және мониторингілеу басқармасы
5. Байланыс саласындағы тарифтерді талдау және реттеу басқармасы
6. Радиожиілік спектрді жоспарлау және халықаралық үйлестіру басқармасы
7. Қаржы басқармасы
8. Әкімшілік-құқықтық жұмыс басқармасы
9. Байланыс саласындағы мемлекеттік саясат басқармасы
10. Пошта байланысын дамыту басқармасы
11. Байланыс саласындағы жаңа технологиялар мен инфрақұрылымды дамыту басқармасы

Қарамағындағы мекемелер

• Қостанай, Солтүстік Қазақстан облыстары бойынша өңіраралық байланыс инспекциясы
• Шығыс Қазақстан, Павлодар және Абай облыстары бойынша өңіраралық байланыс инспекциясы
• Ақтөбе, Батыс Қазақстан, Маңғыстау, Атырау облыстары бойынша өңіраралық байланыс инспекциясы
• Шымкент қаласы және Жамбыл, Түркістан, Қызылорда облыстары бойынша өңіраралық байланыс инспекциясы
• Алматы қаласы және Алматы, Жетісу облыстары бойынша өңіраралық байланыс инспекциясы
• Астана қаласы және Ақмола, Қарағанды, Ұлытау облыстары бойынша өңіраралық байланыс инспекциясы