Қазақстан Республикасы Қаржы министрлігінің Қазынашылық комитеті
Қазақстан Республикасы Қаржы министрлігінің Қазынашылық комитеті — республикалық бюджеттің атқарылуы мен жергілікті бюджеттердің атқарылуына, Қазақстан Республикасының Ұлттық қорына, Жәбірленушілерге өтемақы қорына қызмет көрсету саласында және орталықтандырылған мемлекеттік сатып алуды ұйымдастыру және өткізу саласындағы іске асыру функцияларын жүзеге асыратын Қазақстан Республикасы Қаржы министрлігінің ведомствосы.
| Қазақстан Республикасы Қаржы министрлігінің Қазынашылық комитеті | |
|---|---|
| |
| Жалпы мағлұмат | |
| Мемлекет |  Қазақстан
|
| Құрылған уақыты | 27 қаңтар 1994 жыл (Бас қазынашылық басқармасы ретінде) |
| Штаб-пәтері | 010000, Астана қаласы, Жеңіс даңғылы, 11 |
| Төрағасы | Тоқбаев Рахат Келдібайұлы |
| Ресми сайты | |
| gov.kz/memleket/entities/kazyna?lang=kk | |
Тарихы
өңдеу1994 жылғы 27 қаңтардағы Қазақстан Республикасы Президентiнiң №1526 «Қазақстан Республикасы Қаржы Министрлігінiң Қазынашылығын құру» Жарлығымен ҚР Қаржы министрлiгi құрамында Бас қазынашылық басқармасы құрылды. Кейінірек ол Қазынашылық департаментi болып өзгертіліп, 1999 жылы комитет ретінде қайта құрылды.
Міндеттері
өңдеу- республикалық бюджеттің атқарылуы мен жергілікті бюджеттердің атқарылуына, Қазақстан Республикасының Ұлттық қорына, Жәбірленушілерге өтемақы қорына қызмет көрсету
- мiндеттемелер бойынша қаржыландырудың жиынтық жоспарын, республикалық бюджет бойынша түсiмдердiң және төлемдер бойынша қаржыландырудың жиынтық жоспарын қалыптастыру және бекiту
- республикалық, жергілікті бюджеттердің, Қазақстан Республикасының Ұлттық қорының, Жәбірленушілерге өтемақы қорының және Еуразиялық экономикалық одаққа (бұдан әрі – ЕАЭО) мүше мемлекеттердің бюджеттерінің арасындағы түсімдердің бөлінуін қамтамасыз ету
- республикалық бюджеттің атқарылуы, жергілікті бюджеттердің атқарылуына Қазақстан Республикасының Ұлттық қорына, Жәбірленушілерге өтемақы қорына қазынашылық қызмет көрсету сапасын арттыруға, қазынашылық ақпараттық жүйелерінің іркіліссіз жұмыс істеуі мен ақпараттық қауіпсіздігіне бағытталған қазынашылық ақпараттық жүйелерін жетілдіруді қамтамасыз ету
- бюджеттік есепке алуды жүргізу
- республикалық және жергілікті бюджеттер бойынша қаржылық есептілікті шоғырландыру
- Қазақстан Республикасы Қаржы министрлігінің құрылымдық бөлімшелерін республикалық және жергілікті бюджеттер бойынша бюджеттік есептілікпен қамтамасыз ету
- Қазақстан Республикасы Қаржы министрлігінің құрылымдық бөлімшелерін, уәкілетті мемлекеттік органдарды, ЕАЭО мүше мемлекеттерді және Еуразиялық экономикалық комиссияны (бұдан әрі – ЕЭК) бюджетке түскен түсімдер бойынша есептілікпен қамтамасыз ету
- Комитеттің құзыретіне кіретін мәселелер бойынша халықаралық ынтымақтастық
- Комитеттің құзыреті шегінде ЕАЭО бойынша халықаралық шарттардың жобаларын дайындауға қатысу
- бюджеттің ақшасын басқару
- уәкілетті орган айқындайтын тауарлардың, жұмыстардың, көрсетілетін қызметтердің тізбелері бойынша орталықтандырылған мемлекеттік сатып алуды ұйымдастыруды және өткізуді қамтамасыз ету[1]
Құрылымы
өңдеуКомитеттің 23 басқармасы бар:
- Жұмыстар мен көрсетілетін қызметтер бойынша мемлекеттік сатып алу рәсімдерін өткізу басқармасы
- Мемлекеттік сатып алуды бақылау және сапа басқармасы
- Тауарлар бойынша мемлекеттік сатып алу рәсімдерін өткізу басқармасы
- Қызметті ұйымдастыру басқармасы
- Мемлекеттік сатып алу саласындағы мемлекеттік тізілімдерді жүргізу басқармасы
- Тапсырыс берушілермен жұмыстар мен көрсетілетін қызметтер бойынша өзара іс-қимыл басқармасы
- Ақпараттық қауіпсіздік басқармасы
- Мемлекеттік сатып алуды мониторингтеу және талдау басқармасы
- Тапсырыс берушілермен тауарлар бойынша өзара іс-қимыл басқармасы
- Республикалық бюджеттің түсімдерін бухгалтерлік есепке алу және бюджеттік есепті жүргізу басқармасы
- Электрондық депозитарий басқармасы
- Жергілікті бюджеттер бойынша есеп беру басқармасы
- Республикалық бюджет бойынша есеп беру басқармасы
- Қарыздар мен несиелерді есепке алу басқармасы
- Қаржыландыру жоспарларын орындау басқармасы
- Талдау, бағалау және тәуекелдер басқармасы
- Заң қызметі басқармасы
- Персоналмен жұмыс істеу басқармасы
- Ақпараттық технологиялар басқармасы
- Ведомстволық бақылау басқармасы
- Қолма-қол ақша, шоттарды талдау және салыстыру басқармасы
- Түсімдерді есепке алу басқармасы
- Төлем операциялары басқармасы
Қарамағындағы мекемелер
өңдеу- Облыстар және Алматы, Астана, Шымкент қалалары бойынша қазынашылық департаменттері
- Аудандық, қалалық қазынашылық басқармалары
Төрағалар
өңдеу| № | Аты-жөні | Басқарған және басқаруын аяқтаған уақыты | Суреті |
| 1 | Әнуар Серқұлұлы Жұмаділдаев | 3 тамыз 2020 — 17 ақпан 2022[2] | |
| 2 | Рахат Келдібайұлы Тоқбаев | 9 наурыз 2022 — қазіргі уақыт |