Қазақстан Республикасы Әділет министрлігінің Тіркеу қызметі және заңгерлік қызметтер көрсетуді ұйымдастыру комитеті

Қазақстан Республикасы Әділет министрлігінің Тіркеу қызметі және заңгерлік қызметтер көрсетуді ұйымдастыру комитеті — заңды тұлғаларды тіркеу, филиалдар мен өкілдіктерді есептік тіркеуді, азаматтық хал актілерін және апостиль қою, жылжымайтын мүлікке құқықтарды тіркеу, жылжымайтын мүлікті кепілге қоюды тіркеу, жылжымайтын мүлікті мемлекеттік техникалық тексеру, заң қызметтерін ұйымдастыру және лицензиялау саласындағы функцияларды жүзеге асыратын Қазақстан Республикасы Әділет министрлігінің ведомствосы.

Қазақстан Республикасы Әділет министрлігінің Тіркеу қызметі және заңгерлік қызметтер көрсетуді ұйымдастыру комитеті
Жалпы мағлұмат
Мемлекет	Қазақстан
Құрылған уақыты	15 шілде 2024 жыл
Жоғарыда тұрған мекеме	Қазақстан Республикасы Әділет министрлігі
Штаб-пәтері	Астана қаласы, Мәңгілік Ел даңғылы, 8 үй, "Министрліктер үйі" ғимараты, № 13 кіреберіс
Төрағасы	Венера Калимова
Ресми сайты
gov.kz/memleket/entities/adilet-krs?lang=kk

Тарихы

1999 жылы Әдiлет министрлiгiнiң Жылжымайтын мүлiктi және заңды тұлғаларды тiркеу агенттiгi Тіркеу қызметі комитеті болып қайта құрылды. 2004 жылы Халыққа құқықтық көмек және заңгерлік қызмет көрсетуді ұйымдастыру комитеті құрылды. 2008 жылы Тіркеу қызметі комитеті мен Халыққа құқықтық көмек және заңгерлік қызмет көрсетуді ұйымдастыру комитеті біріктіріліп, Тіркеу қызметі және құқықтық көмек көрсету комитеті құрылды. 2014 жылы комитет таратылды. 2024 жылы Әділет министрлігінің Тіркеу қызметі және заңгерлік қызметтер көрсетуді ұйымдастыру комитетi Қазақстан Республикасы Үкіметінің 2024 жылғы 15 шілдедегі № 552 қаулысы негізінде қайта құрылды.

Фунциялары

1. азаматтық хал актілерінің тіркелуін және тиісті дерекқорлардың жұмыс істеуін нормативтік-әдіснамалық сүйемелдейді бақылауды қамтамасыз етеді;

2. әділет органдарынан азаматтық хал актілері және өзге де мемлекеттік органдардан, сондай-ақ нотариустардан шығатын ресми құжаттарға апостиль қою жөніндегі жұмысты үйлестіреді;

3. жылжымайтын мүлікке құқықтарды мемлекеттік тіркеу, жылжымалы мүлік кепілін тіркеу, жылжымайтын мүлікті мемлекеттік техникалық тексеру және жылжымалы мүлік кепілінің тізілімін жүргізу саласында мемлекеттік реттеуді жүзеге асырады;

4. нотариаттың тиімді жұмыс істеуін қамтамасыз етеді;

5. өз құзыреті шегінде адвокаттардың, заң консультанттарының қызметін және МКБЗК көрсетуді реттейді.

Міндеттері

1. заңды тұлғаларды және филиалдар мен өкілдіктерді, азаматтық хал актілерін, жылжымайтын мүлікке құқықтарды мемлекеттік тіркеу, жылжымайтын мүлікті кепілге қоюды тіркеу, жылжымайтын мүлікті мемлекеттік техникалық тексеру, заң қызметтерін ұйымдастыру және лицензиялау саласындағы реттеушілік, іске асыру және бақылау функцияларын орындау, сондай-ақ стратегиялық функцияларды орындауға қатысу;
2. адам мен азаматтың құқықтары мен бостандықтарының үстемдігін, Қазақстан Республикасының егемендігін қамтамасыз етуге, жалпымемлекеттік даму стратегиясын әзірлеуге және іске асыруға қатысу арқылы қазақстандық қоғам мен мемлекеттің орнықты және үдемелі дамуын қамтамасыз етуге бағытталған ұлттық заңнаманы қалыптастыруға қатысу