Қазақстан мемлекеттігінің тұтастығы мен халықтар бірлігі ескерткіші

"Қазақстан мемлекеттігінің тұтастығы мен халықтар бірлігі" ескерткіші. Ескерткіш-монумент Қазақстан халкының тәуелсіздік пен бірлікке ұмтылған арман-мүддесін айшықтайды. 2005 жылы Қарағанды облысы, Ұлытау ауданы, Ұлытау ауылына жақын Айыртау бөктерінде 1992 жылы қойылған Айыртау белгі тасына таяу, қолдан үйілген биік белге орнатылды. Монумент әлемнің төрт бұрышын бейнелей орналасқан. Төрт таған бірлігінің ұшар басындағы (биіктігі 30 м) күн-шаңыраққа төрт арғымақ пішіні қондырылған. Монумент алаңын балбал тас мүсіндер кемкерген.