Қазақ тілі газеті

«Қазақ тілі», газет. 1919 жылы 4 желтоқсанда Семейде құрылды. 1928 жылға дейін шықты.

Облыстың экономикасы мен мәдениетінің гүлденуі, еңбекшілерге коммунистік тәрбие беру туралы материалдар, әдеби туындылар жариялап тұрды. Әуезов бұл кезде Семейде, Орынборда қызмет істеп, Ташкентте аспирантурада оқып жүрген еді. Сондықтан газет редакциясымен тығыз байланыс жасап, белсенді шығармашылық қарым-қатынаста болды. Жазушының

• «Қазақ оқығандарына ашық хат» (1920, 5 ақпан),
• «Бүгінгі зор міндет» (1920, 31 желтоқсан),
• «Қазақ қызметкерлерінің міндеті» (1921, 10, 12 қаңтар),
• «Қазақ бөлімдері туралы» (1921, 29 қаңтар),
• «Мадиярға жауап» (1922, 14 қазан),
• «Орынбордан телеграмма» (1922, 26 сәуір),
• «Ашық хат» (1922, 27 тамыз) атты мақалалары осы басылымда жарық көрді.