Қазақ халық әдебиеті

Қазақ халық әдебиеті - 1986–1996 жылдары аралығында жарық көрген көп томдық жинақ. «Қазақ халық әдебиетінің» алғашқы алты томы қазақ халқының батырлар жырына, төрт томы қазақ ертегілеріне, екі томы ақындар айтысына, екі томы қазақ ауыз әдебиетіндегі дастандарға арналды. Дастандарға арналған томдарда түсініктеме, сөздік, жер-су аттары, адам аттары, дастан жыршылары: Қуаныш Баймағамбетов, Ерімбет Көлдібекұлы, шайыр Жүсіпбек Шайхысыламұлы туралы деректер бар. Көп томдықтың 15-томы 1995 жылы, 16–17-томдары 1996 жылдары жарық көрді. 15-томға Абылай хан туралы, 17-томға Кенесары, Наурызбай туралы тарихи жырлар, 16-томға қазақ халқының мақал-мәтелдері енді. Жинақты ҚР Ұлттық ғылым академиясының Әдебиет және өнер институты дайындаған.

Кітап.