Қазгеошельф

Қазгеошельф - 1996 жылы "Қазақстанкаспийшельф" АҚ және "ПетроАльянс Сервисес Компании Лимитед" теңізде сейсмикалық операциялар жүргізу үшін құрған бірлескен кәсіпорын - компания. Қарамағында ең жаңа технологиялық жабдықтармен жарақтандырылған 26 кеме бар. Бұлар шешімділігі жоғары, дәл деректерді алуға болатын зерттеулерді және саязсулық, аралық белдемдерде мұхиттық сутүбі жұмырсымдарын пайдалану арқылы 2Д және ЗД сейсмикалық бағдарламалар бойынша жұмыс жүргізуге мүмкіндік береді. Мұнымен қатар, осы жабдықтарды пайдалануға теңіздік мұнай операцияларын жүргізу кезінде дайындықтан өтіп, тәжірибе жинақтаған қазақстандық мамандар да қатыстырылмақ. Сөйтіп Қазақстанда экологиялық жағынан сезімтал су айдынында өнімділігі жоғары сейсмобарлау жұмыстарын орындай аларлық қабілеті бар, техникалық жағынан әлемдік стандарттар деңгейінде жарақтандырылған теңіздік геофизикалық қызмет тұңғыш рет қалыптасты.