Қазпромставба

Қазпромставба- Атырау облысындағы кейбір мұнай кен орындарын пайдалану, тұрғын үй мен әлеуметтік қызметке арналған нысандардың құрлысын жүргізу үшін құрылған Чехия-Қазақстан бірлескен кәсіпорны. 1991 жылы құрылған.

Құрылтайшылары - "Теңізмұнайгаз" АҚ және "Примуслове Ставительстви Брно" (Чехия). Қараарна, Масабай, Айранкөл кен орындарында көмірсүтек шикізатын өндіруге рұқсатты ҚР Үкіметі 1995 жылы берген. Кейін "Қазақойл" Ұлттық мұнай компаниясы (69%) мен "Кацзер" АҚ (Чехия) құрылтайшылары болды, сөйтіп бірлескен кәсіпорын "Теңізмұнайгаз-Тельф" болып атала бастады. Мекен-жайы: Атырау облысы, Құлсары кенті. Кәсіпорын Қараарна кенорнын, ал 2002 жылдан бастап Шығыс Көкарна кен орнын игеруде.