Қазіргі заман 7 кереметтері

Қазіргі заман 7 кереметтері - заманауи сәулетшілер мен инженерлердің әлемге таң қаларлықтай етіп ойлап тапқан кереметтері.

Олар заман ағымына қарай ойлау қабілетін ғана өзгертіп қойған жоқ, сондай-ақ болашақта әлемге әйгілі болатын құрылыстардың материалдарына да түбегейлі өзгерістер енгізді. Қазіргі заман 7 кереметтері:

1. Торонтондағы Си-Эн мұнарасы - бұл мұнара Гиннестің рекордтар кітабының әлемдік рекордтар тізіміне енген. Ол 31 жыл бойы әлемдегі ең биік ғимарат болып саналған. Оның негізгі бақылау қабатындағы аспан нүктесі айналаны шолуға арналған әлемдегі ең биік орын болып саналады.
2. Алтын қақпа көпірі - Бұл көпір құрылысы 1933 жылы басталып, 1937 жылы аяқталған. Бұл әлемдегі ең биік және ең ұзын көпір болып саналады.
3. Сент-Луистегі қақпа - Бұл қақпаның құрылысы 1963 жылдың 12 ақпан айынан басталып,1965 жылдың 28 қазан айында аяқталған. Бұл қақпаның жобасын фин-америкалық архитектор Ээро Саариненом ойлап тапқан.
4. Париждегі Лувр пирамидасы - Бұл пирамида әйнек пен металл тіректен соғылған. Лувр пирамидасының құрылысы 1985 жылдан басталып, 1989 жылы аяқталған. Лувр пирамидасын қытайлық архитектор Бэй Юймин ойлап тапқан.
5. Итайпу гидроэлектростанциясы - Бразилия мен Парагвай елдерінің шекарасында орналасқан әлемдегі екінші ең ірі гидроэлектростанция. Оның ұзындығы 7235 метр.
6. Жапония көпірі - Бұл туынды жапон инженерлерінің сәтті жұмысы. Ол әлемдегі ең ұзын аспалы көпір ретінде 3911 метр ұзындығымен рекорд соқты. Бұл шамамен Бруклиннің 4 көпірінің қосындысы. 12 жыл бойы салынған Жапония көпірі 1998 жылы ашылды.
7. Панама каналы - Солтүстік және Оңтүстік Американы бөліп тұратын, халықаралық маңызы зор жасанды су жолы. Құрылысы Орталық Америкадағы Панама мойнағының ойпаңдау жерінде 1904 жылы басталып, 1914 жылы аяқталды. Бұл канал әлемдегі барлық жобалар арасындағы ең қиын инженерлік жоба болып саналады.