ҚазҰУ жұмыс берушілер кеңесі

ҚазҰУ жұмыс берушілер кеңесінің төрағасы «Казатомпром» ұлттық компаниясының президенті Владимир Школьник. ҚазҰУ жұмыс берушілер кеңесінің басты мақсаты Елбасының қойған Қазақстанның дүниежүзілік қауымдастыққа кіру жолында интеллектуалды секіріс жасауы міндетінің аясында университетке бәсекеге қабілетті жоғарғы біліктілігі бар мамандарды дайындауға жәрдемдесу. Кеңес қызметінің басты бағыттарына жұмыс беруші компаниялардың тәжиірбеден өту базаларын кеңейту, бірлескен ғылыми-зерттеу бағдарламаларын жүзеге асыру, халықаралық жобаларға қатысу мен басқа сан-алуан шараларды жатқызуға болады. Сонымен қатар Кеңеске мүше компаниялар оқу үдерісінің жұмыс берушілердің талаптарымен сәйкестендіру мен мамандарды дайындаудың бірлескен білім беру бағдарламаларын жасаумен айналысады. Жұмыс берушілер сапалы мамандарды дайындау мақсатында еңбек нарығын зерртеп, жұмыс берушілердің талаптарына сай оқу бағдарламаларын жетілдіру бойынша сараптама жасап, түрлі ұсыныстар беруге дайындығын білдіріп отыр. Кеңес төрағасы В. Школьниктің айтуы бойынша: «Біз ғылыми-техникалық революцияның алдында тұрмыз. Жаңа шешімдерсіз біз бәсекеге қабілетті бола алмаймыз. Білікті мамандарсыз жаңа белестерге шығу мүмкін емес. Осы себепті жұмыс берушілер өз қызметкерлерін бірінші курстан бастап оқытып-өсіруі керек». ҚазҰУ жұмыс берушілері кеңесінің құрамына Қазақстан экономикасының түрлі салаларында жұмыс істейтін ірі компаниялар кірген болатын: Microsoft Kazakhstan, KPMG, HSBC, «Самрұк-Қазына» Ұлттық Әл-Ауқат қоры,Қазақстанның Халық банкі, Казатомпром ұлттық компаниясы, Ұлттық ғарыш агенттігі, «Парасат» ұлттық ғылыми-технологиялық ходингі, GSM Қазақстан ұялы байланыс операторы, Қазфосфат компаниясы, «ҚазМунайГаз» ұлттық компаниясы, «Еуразиялық банк» акционерлік қоғамы, «Ел Арна» теле-радиокомпаниясы және т.б.