Қайжамал Бақышқызы

ҚАЙЖАМАЛ Бақышқызы (19.1924 жылытуған, Баян-Өлгий аймағы) – қазақ актрисасы. МХР-дің еңбек сіңірген артисі (1960). Улан-Батордың әсемдік өнер училищесін бітірген (1941). 1953 – 59 жылы аймақ әйелдері ұйымының нұсқаушысы, бөлім меңгерушісі болды. Баян-Өлгий аймақтық клубында (қазіргі Аймақтық Баян-Өлгий театры, 1966 жылдан осы театрдың директоры) қызмет етті. Сэрэн (Э.Оюун. “Жаңа адам”), Жабай (Б.Ақтан. “Ырмалай”), Күлән (М.Құрманхан. “Жасыл дөң”), Қыз Жібек (Ғ.Мүсірепов. “Қыз Жібек”), Толғанай (Ш.Айтматов. “Ана – Жер ана”) рөлдерін ойнады. МХР Ұлы хуралының депутаты (1966). МХРП 12-съезі мен Дүниежүзілік әйелдері ұйымының Вена қаласында өткен конгресіне (1958) қатысқан.