Қайрат Айтмолдаұлы Оразбеков

Қайрат Айтмолдаұлы Оразбеков (01.09.1965) - қазақстандық кәсіпкер, «Элитстрой Групп» ЖШС және алматылық Қайрат футзал клубының президенті. 2012 жылғы Форбс Қазақстан дайындаған Қазақстанның ең дәулетті 50 адам тізімінде 50-орында болды. Монако елінің Қазақстандағы құрметті консулы.

Өмірбаяны

Білімі

• 1984 - 1989 – Қазақ ауыл шаруашылығы институты, факультет: инженер-механикалық, мамандығы: өндірісті автоматтандыру бойынша инженер-механик.
• 1994 - 1997 – Абай атындағы Алматы мемлекеттік университеті, факультет: қаржы және несие, мамандығы: экономист.
• 2008 - 2010 – Executive MBA «Іскерлік әкімшілендіру магистрі» (Швейцарияның SBS бизнес мектебі және Халықаралық бизнес академиясы).
• 2011 - 2014 – DBA бағдарламасы бойынша оқыту (РФ Президенті жанындағы Ресей халық шаруашылығы және мемлекеттік қызмет академиясы) – Іскерлік әкімшілендіру докторы дәрежесін алды.
• Кәсіби қызметі
• 1989 – Өндірісті жаңғыртуды жоспарлау жөніндегі аға маман, «Ауылшар техникасы» өндірістік бірлестігі, Қазақ КСР Ауыл шаруашылығы министрлігі;
• 1991 – ҚР Казкинофондта бас инженер;
• 1993 – Бас директор, «Алматы – Вена» бірлескен кәсіпорны (Жаңа технологияларды әзірлеу және енгізу);
• 1995 – «Кайнур» ЖШС компаниясын құрып, оның директоры болды (сауда-сатып алу компаниясы); Сонымен бірге осы жылы Кайнур футзал командасын құрды.
• 1996 – Директор, «Теплоэнергомаш» ЖШС (ТМД елдері арасында электр энергиясын жеткізу бойынша үкіметаралық келісімдерді техникалық қамтамасыз ету);
• 1999 – Қаржы директоры, «Элитстрой» ЖШС (Ірі құрылыс компаниясы);
• 2003 – Президент, «Алтел» АҚ (DALACOM) (Қазақстандағы ұялы байланыс операторы);
• 2004 – Президент, «Арлан» Холдингтік компаниясы ЖШС (Көпсалалы холдинг);
• 2006 жылдан бастап – қазіргі уақытқа дейін – «Элитстрой Групп» ЖШС президенті;

Басқа қызметтері

• 2006-2007 жж. – «Қайрат» МФК президенті;
• Қазақстан Футбол федерациясының футзал және жағажай футболы комитетінің төрағасы;

Марапаттары

• «ҚР Құрметті құрылысшысы» медалі (2007);
• «Ерен еңбегі үшін» медалі (2009);
• ҚР Ұлттық Олимпиада комитетінің «Алтын ордені» (2011);
• 2012 жылы Қайрат Оразбеков Монако княздығының Қазақстандағы құрметті консулы болып тағайындалды;
• «Футбол бойынша ұлттық спорт төрешісі» атағы;
• «ҚР Құрметті құрылысшысы» атағы.