Қайрат Атажанұлы Көтербеков

Қайрат Атажанұлы Көтербеков – профессор, физика-математика ғылымдарының кандидаты, Л.Н. Гумилев атындағы ЕҰУ-ның физика-математика ғылымдарының докторы.

Білімі, ғылыми атағы мен дәрежесі

Жоғары, 1980 ж. С.М. Киров атындағы Қазақ мемлекеттік университетінің физика факультетін «Физика, ядролық физика» мамандығы бойынша бітірген. Физика пәнінің оқытушысы. 1990 ж. - физика-математика ғылымдарының кандидаты; 01.04.16 –физика ядросы және элементар бөлшектер мамандығы бойынша ҚазКС Р ҒА фдролық физика институты жанындағы К 008.20.02 арнайы Кеңесінде диссертациясын қорғаған.

2005 жыл – Ресейдің физика-математика ғылымдарының докторы; 01.04.16 – атом ядросының физикасы және элементар бөлшектер мамандығы бойынша Санкт-Петербург мемлекеттік университеті жанындағы Д 212.232. Диссертациялық Кеңесте диссертациясын қорғаған. 2008 жыл - 01.04.16 – атом ядросының физикасы және элементар бөлшектер мамандығы бойынша Қазақстан Республикасының физика-математика ғылымдарының докторы қайта аттестациядан өтті.

Еңбек жолы

Көтербеков Қайрат Атажанұлы 1980 – 2007 жыл аралығы – ҚазКСР ҒА ядролық физика институтында (кейіннен ҚР ҰЯО ЯФИ-де) қызмет етеді: инженер, аға ғылыми қызметкер, ғылыми қызметкер, аға ғылыми қызметкер, ғылыми хатшы, директор орынбасары. 2006 жылдан бастап 2009 жылға дейін Астана қ., ҚР ЯФО ЯФИ Астанадағы филиалында DC-60 ауыр иондарды үдеткіштің базасында Пәнаралық ғылыми-зерттеу кешенінің директоры. 1996 – 2005 жыл аралығы – Алматы ЖОО-ларында (Абай атындағы АМУ, Алматы энергетика және байланыс институты) қызмет етеді. 1990 – 2005 жж. – ғылыми жетекші болды, кейіннен Әл-Фараби атындағы ҚазҰУ-дың физика факультеті студенттерінің (бакалавриат пен магистратура) дипломдық жұмыстардың ғылыми жетекшісі болды. 2006 жылдан бастап ғылыми-техникалық жобалар мен ғылыми есеп, сондай-ақ, бюджеттік бағдарламалар бойынша ҚР БҒМ сарапшысы болып табылады.

Жобалар бойынша ҚР Индустрия және сауда министрлігінің Өнеркәсіп комитеті ғылыми-техникалық кеңесінің мүшесі әрі сарапшысы. 2007 жылдан бастап Л.Н. Гумилев атындағы Еуразия ұлттық университетінің профессоры. 2009 жылдың 3 сәуірінен бастап – Л.Н. Гумилев атындағы Еуразия ұлттық университетінің физика-техника факультетінің Мұрағатталған 20 мамырдың 2019 жылы. алғашқы деканы.

Ғылыми және кәсіби қауымдастықтарға мүшелік ету

• Л.Н. Гумилев атындағы ЕҰУ-дың Ғылыми кеңесінің мүшесі.
• ҚР Ядролық қоғамының мүшесі.
• ҚР Индустрия және сауда министрлігінің Өнеркәсіп комитеті ғылыми-техникалық кеңесінің мүшесі.
• Докторлық диссертацияларды қорғау бойынша Л.Н. Гумилев атындағы ЕҰУ жанындағы БД 14.61.51 Біріккен диссертациялық Кеңесі төрағасының орынбасары.

Марапаттар мен жетістіктер

ҚР Энергетика және минералды ресурстар министрінің Бұйрығымен берілген (2007 ж. 24 тамызындағы № 302-К) «Қазақстан Республикасының атом саласының еңбек сіңірген қызметкері» төсбелгісімен марапатталған. Құрмет грамоталары: ҚР Ғылым академиясының төралқасы, ҚР БҒМ «ЖОО-ның ең үздік оқытшысы - 2010» атағына ие.