Қалыбек Атжан

Атжан Қалыбек Жапайұлы (Жапсарбайұлы) - 03.03.1954 жылы (құжат бойынша), расында 15.12.1953 жылы, Жамбыл облысы, Луговой ауданы, Қазақ ауылында дүниеге келген — тележурналист, БАҚ саласының топ-менеджері..

Еңбек жолын туған ауылында тракторшы болып бастаған. Меркі ауданындағы Гранитогорск автомобиль жөндеу зауытында жұмысшы болып істеген. 1972-1973 оқу жылында Луговой (қазіргі Т. Рысқұлов) ауданындағы Абай атындағы орта мектепте биология пәнінен және дене шынықтырудан сабақ берген. Қазақ Мемлекеттік университетін бітірген (1978). Журналистика саласындағы еңбек жолын Республикалық «Лениншіл жас» (қазіргі «Жас Алаш») газетінде тілші болып бастаған (1978-1980), Қазақ радиосының редакторы, аға редакторы (1980-1984), Қазақ радиосының Оңтүстік Қазақстан облысындағы меншікті тілшісі (1984-1998), "Хабар" агенттігінің Өзбекстан Республикасындағы және Оңтүстік Қазақстан облысындағы меншікті тілшісі (1998-2002), Оңтүстік Қазақстан облыстық телеарнасының директоры (2002-2008), Оңтүстік Қазақстан облыстық мәслихатының депутаты, әлеуметтік мәселелер жөніндегі комиссияның төрағасы (2003-2008), "Қазақстан-Тараз" телеарнасының директоры (2008-2010), «Қазақстан» Республикалық телерадио корпорациясы» АҚ басқарма төрағасының аймақтар жөніндегі кеңесшісі-мониторинг бөлімінің бастығы (2011-2017), «Қазақстан» Республикалық телерадио корпорациясы» АҚ Аймақтарды дамыту департаментінің директоры (2017-2018), Тараздағы «77 TV» телеарнасының директоры 2018-2019, Республикалық «Құқықтық Қазақстан» газеті Бас редакторының бірінші орынбасары (2018-2021), Жамбыл атындағы руханият орталығының жетекшісі (2019-2021), Жамбыл облыстық Қоғамдық Кеңесінің комиссия төрағасы (2018-2021).

Жеткен жетістіктері:

                1985 ж. «КСРО телевизиясы мен радиосының үздігі»,

                1998-2002 ж. «Хабар» агенттігінің төрт мәрте үздік тілшісі,

                2000 ж. Қазақстан Журналистер Одағының Сағат Әшімбаев атындағы сыйлығының лауреаты,

                2001 ж. «Қазақстан Республикасы Тәуелсіздігінің 10 жылдығы» мерекелік медалі,

                2001 ж. «Түркістан қаласының құрметті азаматы»,

2001-2009 ж. Қазақстан Республикасы Президентінің үш мәрте Алғыс хатын алған,

2004 ж. «Қазақстан Республикасының мәдениет қайраткері,

2004 ж. «Қазақстан Республикасы Парламентіне 10 жыл мерекелік медалі.

                2005 ж. «Қазақстан Республикасы Конституциясына 10 жыл» мерекелік медалі,

2007 ж.  «Қазақстан» РТРК» АҚ-ның «Алтын жаршы» белгісінің иегері,

2014 ж. «Қазақстанның құрметті журналисі»,

                2017 ж. «Оңтүстік Қазақстан облысына сіңірген еңбегі үшін» медалі,

                2019 ж. «Жамбыл облысына  сіңірген еңбегі үшін» медалі,

                2020 ж. «Қазақстан Республикасы Конституциясына 25 жыл» мерекелік медалі,               

                2020 ж. «Ерен еңбегі үшін» медалі.          

                         

2001 жылы еліміздің таңдаулы 10 теле журналистері бірге АҚШ-тың телерадиоларында іс-тәжірибеден өтіп мамандығын жетілдірді. Қазақтың ұлттық киімімен түскен суреті АҚШ-тың Филадельфия қаласындағы Independence Hall  «Әлем халықтарының ұлттық киім үлгілері» музейінің төрінде ілулі тұр.             

2002 жылы 14 облыстық филиалдар арасында көш соңында қалып келе жатқан «Қазақстан-Шымкент» телеарнасына директор болып тағайындалып үш жылда барлық көрсеткіштер бойынша бірінші орынға шығарды. Ал он бесінші орындағы «Қазақстан-Тараз» телеарнасын  екі жылда шығармашылық және экономикалық көрсеткіш бойынша республикада бірінші орынға шығарды.

2006-2008 жылдар аралығында Қазақстан Журналистер  Одағы Оңтүстік Қазақстан облыстық бөлімшесінің төрағасы болды.

Жұбайы: Сүлеймен Рахия Найманбайқызы (1955 ж.т.). Ұлдары: Айдын (1977 ж.т.), Айдос (1978 ж.т.). Қызы: Жансая (1989 ж.т.).

Дерекөздер

2. Жұбайы, ұлдары мен қызы берген деректері