Қалқаланған жатындар

Қалқаланған жатындар - түзілуіне қалқаланған түрдегі тұтқыш қатқабаттардың бар болуы себепші болған жатындар. Саз, тұз т.б. нашар өткізетін таужыныстар жапқыш болып саналады. Қалқалану бөлшектеуші тектоникалық бұзылыс нәтижесінде, жинауыш қойнауқаттың толық стратиграфиялық бүркелуі немесе таужыныстардың литологиялық түрлерінің күрт ауысуынан пайда болады. Көмір сутектердің шоғарлануына тектоникалық жапқыштар себепші болса, тектоникалық тұрғыдан қалқаланған, жинауыш қойнауқат пен өткізбейтін таужыныстардың арасындағы стратиграфиялық үйлесімсіздікпен байланысты болса, стратиграфиялық тұрғыдан қалқаланған жинауыш, қойнауқаттың сүйіленуімен немесе ерлемесі бойынша жоғары қарай жинауыштық қасиеттерінің нашарлауы әсер етсе, литологиялық тұрғыдан қалқаланған немесе литологиялық шектелген жатындар пайда болады.