Қамаргүл

Қамаргүл, каллистефус (лат. Callistephus) – астралылар тұқымдасына жататын бір жылдық өсімдік монотипті туысы.

Қамаргүл
Қытай қамаргүлі
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Asterales Тұқымдасы: Asteraceae Кіші тұқымдасы: Asteroideae Тайпасы: Astereae Кіші тайпасы: Asterinae Тегі: Callistephus Cass. Түрі: C. chinensis
Екі-есімді атауы
Callistephus chinensis (Карл Линней) Nees
Синонимдері
Callistemma Cass. Aster chinensis L. Brachyactis chinensis (L.) Bureau & Franch. Callistephus lacinians Borbás Amellus speciosus Gaterau Asteriscodes Moench ex Kuntze Callistemma chinensis (L.) Skeels Asteriscodes chinense (L.) Kuntze Aster regalis Salisb. Aster lacinians Borbás Diplopappus chinensis (L.) Less. Callistemma hortense Cass. Callistephus hortensis (Cass.) Cass.

Табиғи отаны Қытай мен Жапония. Қазақстанның барлық аймақтарында қолдан өсірілетін 1 түрі – қытай қамаргүлі (Callisterhus chinensis) бар. Биіктігі 1 м-дей, сабағы дара, тік өседі. Сабақ бойындағы жапырақтары ұзынша, жиектері аздап тілімденген, ұшындағы жапырақтары ұсақ қандауыр тәрізді болады. Гүлдері қос жынысты, көк, қара қошқыл, күлгін, қызғылт және ақ түсті. Олар себет гүлшоғырына топталған. Себеті ірі, көп гүлді, сабағының немесе бұтағының ұшында дара жетіледі. Гүлорамының пішіні жарты шар сияқты, көп қатарлы. Шілде – қыркүйек айларында гүлдеп, қыркүйек – қазанда жемістенеді. Жемісі – сұрғылт түсті тұқымша (ұзындығы 5 мм-дей), оның сыртын қысқа түк жапқан, ақ айдаршасы болады. Қытай қамаргүлі – өте әдемі өсімдік, сондықтан сәндік үшін өсіріледі.