Қамқа Үмбеталина

Үмбеталина Қамқа (1923 жылы туған, Батыс Қазақстан облысы Тайпақ ауданы) – геолог-мұнайшы. Қазақстанның еңбек сіңірген геолог-барлаушысы (1975). 1942 – 1945 жылдары әскерге алынып, Жапонияға қарсы соғысқа қатысқан. 1945 – 1990 жылдары «Қазақмұнайгазбарлау» тресінде сазды ерітінділер бойынша лаборант, коллектор, инженер, «Маңғыстаумұнайгазбарлау» тресі химия лабороториясының аға инженері қызметтерін атқарған. 2-дәрежелі Отан соғысы орденімен және медальдармен марапатталған. КСРО Геология министрлігінің жер қойнауын барлау үздігі (1976).