Қанбаба

Қанбаба — ортағасырлык бекініс орны. Көксарай ауылының 3-бөлімшесінен солтүстік-шығыска қарай 3 км жерде. 2002—2003 ж. Отырар мемлекеттік археологиялық қорық- музейі мен Шымкент қаласы Археология және этнология ғылыми-зертттеу орталығы жасақтаған археологиялық экспедиция (жетекшісі С.Ахмет, З.Исабек) зерттеген. Қазіргі орны төртбұрышты төбе. Биіктігі 1,2—2 м. Әр қабырғасының ұзындығы 105—115 м аралығында. Айнала қазылған ордың ізі сақталған. Ескерткіштің солтүстік-шығысындағы төбенің ортасында диаметрі 20 м, терендігі 1 м-дей ойдым орны бар. Қақпасы солтүстік-шығыс және батыс қабырғалардың ұштасар жерінде болған секілді. Жинастырылған материалдар Қанбабаны халық 9—12 ғасырларда мекен етіп, ауыл шаруашылық өнімдерін өндірумен айналысқандарын дәлелдейді.