Қандалашөп

Қандалашөп (лат. Cіmіcіfuga) – сарғалдақтар тұқымдасына жататын көп жылдық шөптесін өсімдіктер туысы.

Қандалашөп
Ғылыми топтастыруы
Дүниесі: Өсімдіктер (unranked) Қос жарнақтылар Тұқымдасы: Сарғалдақтар тұқымдасы Тегі: Қандалашөп (Cіmіcіfuga)

Таралуы және өсетін жері

Қоңыржай аймақтарда өсетін 10 түрі кездеседі. Ал Қазақстанда Семей қарағайлы орманы мен Алтайдың қылқанжапырақты және жалпақжапырақты ормандарында өсетін 1 түрі – сасық Қандалашөп (Cіmіcіfuga foetіda) бар.

Ботаникалық сипаты

Гүлі

• Биіктігі 80-200 см, жуан, тарамдалған тамырынан бірнеше сабағы өсіп шығады.
• Шеттері тілімденген күрделі жапырақтары (екі немесе үш бірдей жапырақтары бірігіп кеткен) бар.
• Аталығы – көп, аналығы 1 – 5 ұялы.
• Ұсақ, ақшыл жасыл түсті гүлдері доға тәрізді иілген шашақ гүлшоғырына топталған.
• Шілде – тамыз айларында гүлдеп, жеміс салады.

Сасық қандалашөптің жағымсыз иісі болады. Осы иісінен қандалалар қашады, өсімдіктің аты осыған байланысты қойылған.

Емдік қасиеті, қолданысы

Қандалашөптің кейбір түрі (мысалы, даур қандалашөп) тұнба қайнатуға пайдаланылады. Оны жүйке жүйесін тыныштандыруда, ұйқы қашқанда, сондай-ақ қан қысымы көтерілгенде ішеді.