Қанқұйлы сарышаян

Қанқұйлы сарышаян – Солтүстік Африкадан Таяу Шығысқа дейінгі орманды аймақтарда таралған.

Қанқұйлы сарышаяндар – шағын денелі, улы құйрығы қою түсті. Аталған сарышаянның бізгегі әлсіз болып келеді. Улы құйрығын шаншып алған жері қатты ауыртады.

Аталықтары аналықтарынан үлкен болады. Денесінің үлкенірек болуы дүниеге көп ұрпақ әкелуге қолайлы.

Қанқұйлы сарышаяндар – жер бетіндегі шаяндардың ішіндегі ең қауіптісі әрі ең улысы. Олардың уы адам өміріне де қауіпті, бірнеше секундтың ішінде-ақ өлімге душар етеді.

Сарышаяндар құрғақ климатты ұнатады. Ұяларын тас астына салады.

Қанқұйлы сарышаяндардың орташа тіршілік ету ұзақтығы – 5 жыл.

Тіршілік ету аймағына байланысты олардың реңі алуан түрлі болып келеді.

Уының құрамында нейротоксиннің мөлшері көп болғандықтан, уы өте қауіпті. Бірнеше өңдеулерден өткесін оның уын дәрі-дәрмек жасауға пайдалануға болатындығы дәлелденген.

Қанқұйлы сарышаян шаққан кезде адамдардың қан қысымы көтеріліп, есінен танып, ыстығы көтеріліп, жүрек қағысы жиіледі. Соңынан тіпті сал ауруына шалдығуы немесе өліп кетуі де мүмкін.

Негізгі қорегі – жәндіктер, қара шегірткелер.