Қарадың

Қарадың – ортағасырлық сәулет ескерткішінің орны. Қарағанды облысындағы Ұлытау тауларынан солтүстік-батысқа қарай 35 км жерде, Қаражыланды өзеннің жағасында орналасқан. 1947 жылы Орталық Қазақстан археолог экспедиция (жетекшісі Ә.Х.Марғұлан) зерттеген. Қарадың құрылысының сыртқы бейнесі киіз үй тәріздес. Іргетасынан бастап ірі тақтатаспен дөңгелене қаланып, жоғары көтерілген сайын бүрмелеп өрілген. Қарадыңның диаметрі 8 м, биіктігі 5 м. Тұрғызылған уақыты 8–10 ғасырлар. Қарадың сәулет өнерінің озық үлгісі қатарына жатады және ислам діні таралғанға дейінгі уақытты қамтитын ғылыми құндылығы зор туынды болып табылады.

Дереккөздер: өңдеу

Қазақ Ұлттық Энциклопедиясы

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.