Қаражыланды (тау)

Қаражыланды – Ұлытау және Арғанаты тауларының аралығындағы оқшауланған шоқылы тау.

Қаражыланды тауы
Сипаттамасы
Тау жүйесі	Ұлытау
Ұзындығы	2,5 км
Ені	1,5 км
Биіктігі	586 м
Орналасуы
48°54′50″ с. е. 66°46′05″ ш. б.48.91389° с. е. 66.76806° ш. б. / 48.91389; 66.76806
Елдер	Қазақстан, Ұлытау облысы Ұлытау ауданы
Қаражыланды тауы
Қаражыланды тауы

Географиялық орны

Ұлытау облысы Ұлытау ауданы Сарлық ауылының солтүстік-шығысында 18 км жерде орналасқан.

Жер бедері

Абсолюттік биіктігі 586 м. Солтүстіктен оңтүстікке қарай бойлық бағытта 2,5 км-ге созылып жатыр, енді жері 1,5 км шамасында. Беткейлері тіктеу, пішіні дөңгелек тәрізді келген. Солтүстігінде Құлан, шығысында Борлы, оңтүстігінде Қаратал, батысында Қазыбек қыстаулары орналасқан.

Өсімдігі

Қоңыр топырақ жамылғысында қылқан селеу, бетеге, жусан, тобылғы, т.б. өсімдіктер мен бұталар өседі. Етегінен өзімен аттас өзен бастау алады.