Қаракөз Құнанбаева
Қаракөз Тұрғарақызы Құнанбаева - Оңтүстік Қазақстан облысының Қазығұрт ауданының құрметті азаматы, Қазақ Республикасы Жоғарғы кеңесіне депутаты, «Ардақты ана» марапатының иегері.
Өмірбаяны өңдеу
Қаракөз Тұрғарақызы Құнанбаева Оңтүстік Қазақстан облысының Қазығұрт ауданының Талдыбұлақ ауылында 1938 жылы өмірге келген. Балалық шағы Екінші дүниежүзілік соғыс жылдарымен тұспа-тұс келді. Ұлы жеңістен кейінгі ауыртпалығы мол кезеңнің киер киімге, ішер асқа тапшылық зардабын көріп өсті. Сондықтан да еңбекке ерте араласып, әлжуаз шаруашылықтың қара шаруасының қандайынан болсын бас тартқан жоқ.
Өмірдің ащы-тұщысын бірдей татқан Қ. Құнанбаева өз қарауына жеке отар қабылдап, осы салада ұзақ жылдар бойы жемісті еңбек етті. Еңбегі бағаланып, Қазақ Республикасы Жоғарғы кеңесіне депутат болып сайланды.
Өндірісте осындай озат болғанда ол отбасында да ерекше сыйлы. Қаракөз Тұрғарақызы - он бала өсіріп, жапырағы жайылып отырған Ардақты ана. Жерлестері де оны айрықша құрмет тұтады, соның белгісі ретінде оған Қазығұрт ауданының құрметті азаматы атағы берілді.[1]
Дереккөздер өңдеу
- ↑ Қалаубек Тұрсынқұлов "Қазығұрт"