Қарасай батыр атындағы көше (Алматы)

Көшеге Ұлы жүздің Шапырашты руынан шыққан батыр, Жетісу жерін жоңғарлардан қорғаған жолбасшы Қарасай батырдың есімі (Алматы қаласы әкімінің 30.12.1997 № 803 шешімі) берілген. - Қарасай батыр (1664-1727) Алматы облысы Қаскелен ауданында дүниеге келген.

Көшенің Достық және Сейфуллин даңғылдарымен шектелген аралығында бульвар жасалған. Көше бойында әл-Фараби атындағы ҚазҰУ-дің химия факультеті, Қазақ мемлекеттік жобалау ғылыми-зерттеу институты, Маз балалар музыка мектебі, Мемлекеттік ұйғыр музыкалық комедия театры, Мемлекеттік корей музыкалық комедия театры орналасқан. Көше Медеу, Алмалы, Әуезов аудандарында орналасқан. Абдуллиндер көшесінен бастарын, Варламов көшесіне дейін созылып жатыр. Бұрынғы атаулары: а) Сельская; ә) Виноградов - көшелері. Көшенін ұзындығы - 7300 метр.