Қаратау шөмішгүлі

Қаратау шөмішгүлі (лат. Aquilegia karatavica) – сарғалдақтар тұқымдасы, шөмішгүл туысына жататын көп жылдық шөптесін өсімдік.

Қаратау шөмішгүлі
Ғылыми топтастыруы
Дүниесі: Өсімдіктер (unranked) Қос жарнақтылар Тұқымдасы: Сарғалдақтар тұқымдасы Тегі: Шөмішгүл (Aquilegia) Түрі: Қаратау шөмішгүлі
Екі-есімді атауы
'Aquilegia karatavica

Ботаникалық сипаты

• Биіктігі 15-35 см, сырты қабыршықты.
• Сабағында жапырағы аз болады. Жапырақтары ұзын сағақты, домалақ әрі жалпақ үш қалақшаға бөлінген.
• Гүлінің диаметрі 4-5 см, тостағанша жапырақтары көкшіл, қандауыр тәрізді, сүйір келген. Күлтесі ақшыл көк түсті, ұшы доғал келген, 3-5 жапырақ тәрізді жемісінің сыртында бездері, көлденең қыртыстары болады.
• Тұқымы арқылы көбейеді. Маусым-шілде айында гүлдеп, тамызда жемісі піседі.

Өсетін жері мен таралуы

Қаратау жотасында (Түркістан, Жамбыл облысы) ғана санаулы түрде кездеседі. Теңіз деңгейінен 2000 м-ге дейінгі биіктікте, таудың көлеңкелі шатқалдарында, тік құздарда өседі. Сирек кездесетін эндемик, Қазақстанның Қызыл кітабына енгізілген.