Қарағанды шахтері

«Қарағанды шахтері», танк колоннасы, Ұлы Отан соғысы жылдарында Қарағанды көмір бассейні шахтерлерінің қаражаты есебінен құрылған. Қаражат жинау 1942 ж. 23 қарашасынан басталды. Ол №12,18,30, Калинин атындағы шахталардың және Қарағанды қ. Киров ауданының отбасы әйелдерінің бастамалары бойынша 1942 жылдын 25 қарашасынан 25 желтоқсанына дейін көмір өндіру мен жөнелтуден айлықөткізілді. Танк колоннасы қорына жиналған көмір есебін М. И. Калинин атындағы шахтаның бастығы Р. Ыбыраевтың семьясы ашты. 5 сағаттық жұмыс уақытында 28 т көмір өндірілді. 1943 жылдың көктеміне дейін «Қарағанды шахтері» қорына 2 млн сомнан артық қаржы жиналды.