«Қарағанды әйелдері», «Қарағанды қаласының әйелдері», Ұлы Отан соғысы жылдарында (ақпан, 1944) шахтер әйелдердің қаржысына жасалған санитарлық ұшақтар звеносы. Қаржы жинаудың бастамашылары Қарағанды шахталарындағы әйелдер кеңесі болды. Олар шахталарда жұмыстан тыс уақытта кемір тиеп, тапқан ақшаларын ұшақ жасауға аудару жөнінде облыс әйелдеріне үндеу тастады. Қарағандылық партия комитеті әйелдердің патриоттык бастамасын қызу қолдады. 1943 жылдың желтоксан айы ақысыз еңбектің екпіңді айлығы деп жариялаңды. Осы уақыт ішінде қаланың үй шаруашылығындағы әйелдері 2650 т көмір жөнелтті. А. Мордавченқо (31 шахта), А. Сағындықова (1 шахта) басқарған, К. Тютяева, П. Поздняқова т. б. жетекшілік еткен №33, 34 және К. О. Горбачев атыңдағы шахталардын әйелдер кеңесі құрған көмір құлатушы және тіреу қоюшы комсомол әйелдер бригадалары шахталарда аянбай еңбек етті. Жиналған 185 000 сом қаржы 2 типті 3 санитарлық ұшақ жасауға жіберілді.[1]
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
