Қарақоға жер асты су кен орны

Қарақоға жер асты су кен орны - Ақтөбе облысы Байғанин ауданында, Сағыз өзенінің оң жағалауында орналасқан.

Геологиялық құрылымы

Сулы кешен Сағыз аңғарының аллювийлі шөгінділерінде шоғырланған. Аңғардың ені 4 км, қалыңдығы 10–14 м болатын аллювий құмындағы альб-сеноманның құмды-сазды шөгінділерімен жабылған.

Сипаты

Грунт суының тереңдігі 1,5–3,5 м, суы тұщы, минералдығы 0,5 г/л, ұңғыма дебиті 2,1–3,5 л/с. грунт суы атмосфералық жауын-шашын және Сағыз өзенінің тасқын суының сүзілуінен толысады. Сулы қабатының қалыңдығы 11 м. аралығы 100 м болатын үш ұңғымадан шығатын судың тәуліктік су шығымы 903 м³-ді құрайды, ал табиғи жер асты судың тәуліктік шығымы 1796 м³. Кен орны пайдаланылуда.