Қарақұлов атындағы көше (Алматы)

Көшеге медицина ғылымдарының докторы, профессор, КСРО медицина ғылымдары академиясының корреспондент-мүшесі, Қазақ КСР-інің еңбек сіңірген ғылым қайраткері Ишанқұл Қарақұловтың есімі (Алматы қаласы мәслихатының 6.03.2008 № 83 шешімі мен Алматы қаласы әкімдігінің 14.03.2008 № 2/139 қаулысы) берілген. Қарақұлов Ишанқұл (1909-2005) Қарақалпақ АКСР-нің Нөкіс аймағында дүниеге келген. Ол Алматы медициналық институтының кафедра меңгерушісі, Патология институтының директоры, Қазақ КСР денсаулық сақтау министрі қызметтерін атқарған.

Көше Әуезов ауданындағы «Қалқаман-2» шағынауданында орналасқан. Көшенің ұзындығы - 1200 метр.