Қара шегірткелер

Қара шегірткелер - үйде де, тыста да кездеседі.

Дала қара шегірткесінің дене тұрқы 2-2,6 см, мұртшасы ұзын, қоңыр, қара түсті. Аналығының құрсағында ұшы жалпақтау жұмыртқа салғышы бар, артқы аяқтарының "сирағы" қызғылт түсті. Аналығы топыраққа 600-дей жұмыртқа салады, бір айдан соң олардан дернәсілдері дамиды. Олардың дернәсілдері інде тіршілік етеді. Іннің тереңдігі 30-40 см. Інді дернәсілдері артзы және алдыңғы аяқтарымен қазады. Күзде інін тереңдетіп, дернәсілдері сонда қыстайды. Інінің температурасы 4-5 градустан төмендегенде дернәсілдері шалажансар (анабиоз) қалыпқа көшеді, әрі інінің аузын шөппен бекітіп (жауып) қояды. Көктемде, күн жылына бастаған кезде, інінің аузын ашып сыртқа шығып, күн қызуына жылынады. Сәуір айының соңында дернәсілдері соңғы рет түлеп, қанаттары қатайып, ересек түрге айналады. Қара шегірткелердің дыбыс шығаратын мүшесі сұр шегірткеге ұқсас.