Қаржаубай Омарұлы

Қаржаубай Омарұлы (12.11.1946, Сырдария ауданы Айдарлы ауылы - 19.01.2009) – жазушы. ҚазМУ-дың (ҚазҰУ) журналистика факултетін бітірген (1969). 1969 – 81 жылдары Алматы облысы «Жетісу» газетінде аға тілші, бөлім меңгерушісі, 1981 – 96 жылдары «Жалын» және «Балауса» баспасында жетекші редактор, редакция меңгерушісі, 1997 – 99 жылдары «Қазақ елі» газетінде бөлім меңгерушісі, жауапты хатшы, 2000 жылы ҚР Жоғары аттестациясы комиссиясында жетекші ғылыми редактор, 2001 – 03 жылдары «Ақ желкен» журналының бөлім меңгерушісі, 2003 жылдан «Асыл сөз» газетінің бас редакторы. Алғашқы өлеңдері 1964 жылы жарияланған. Омарұлының «Қармақ туралы хикая» (1975), «Көп балалы үй» (1988), «Әке» (1988) таңдамалы повестері мен әңгімелері, «Айлы түнгі ән» (1977), «Бозбала мен бойжеткен» (1984) атты жинақтары жарық көрген. «Қоңыраулы бесік» (1976), «Әке» (1981), «Бала-балапандар» (1987) повестері үшін балалар мен жасөспірімдерге арналған үздік әдеби шығармалар бәйгесінің үш рет жүлдегері атанды. «Ақтөс» прозалық жинағы үшін Қазақстан Жазушылар одағының халықар. «Алаш» сыйлығын алды (1999). «Мүбәрәк Түркістан» поэмасы үшін 2000 жылы Түркістан қаласының 1500 жылдығыналық байланысты түріктің KATEV халықаралық қоры мен Түркістан қаласы әкімшілік жарияланған өлең бәйгесінде екінші жүлдеге ие болды. 'Қазақстан Журналистер одағы' сыйлығын алған.

Қаржаубай Омарұлы
Лақап аты	Қаржау Айтолқын
Туған күні	1946 12 қараша
Туған жері	Қызылорда облысы, Сырдария ауданы, «Айдарлы» кеңшарының №2 «Құмшығанақ» ауылы
Қайтыс болған күні	2009 19 қаңтар
Ұлты	қазақ
Шығармашылық жылдары	1964-2009
Жанры	поэзия, проза, балалар әдебиеті
Шығармалардың тілі	қазақша
Марапаттары	Балалар мен жасөспірімдерге арналған үздік шығармалардың республикалық бәйгелерінде үздік, 3 және 2 («Қоңыраулы бесік», «Әке», «Бала-балапандар» повестері үшін) Қазақстан Жазушылар одағының халықаралық «Алаш» әдеби сыйлығының лауреаты («Ақтөс» прозалық жинағы үшін) Түркістан қаласының 1500 жылдығына байланысты түріктің КАТЕV халықаралық қоры мен Түркістан қаласы әкімшілігі жариялаған өлең бәйгесінде 2 жүлде («Мүбәрак Түркістан» поэмасы үшін) Ұлттық «Астана - Бәйтерек» конкурсының мектепке дейінгі және мектеп жасындағы балаларға арналған номинациясында ІІ жүлде, ІІІ жүлде, «Қазақстан Республикасының мерекелік даталарына арналған қойылымдардың бағдарламасы» номинациясы бойынша көтермелеу жүлдесі