Қаржу (ұлттық ойын)

"Қаржу" немесе "қаржымақ" (ұлттық ойын). "Қаржу" ("қаржымақ") ептілікті талап ететін ойын. Бұған әрқайсысы 10-15-тен асық салып бірнеше бала ойнай алады. Бірақ олардың саны 5-тен аспағаны жөн. Ойын шарты мынадай. Әдеттегідей асық иіру бойынша кезектескен балалардың алғашқысы ойынды бастайды.Алқа-қотан отырған ойыншылар ойын тәртібін бақылап отырады. Әлгі бала жерден уысы толғанша асық алады да , оны жоғары атып жіберіп қолының сыртын тоса қояды. Сонда оның қолы сыртына шамамен 5-6 асық тұрып қалады. Ойыншы оны тағы да жоғары лақтырады да, асықты қаржып яғни үстіңгі жағынан қарпи қағып алуы керек. Асықтарды жерге түсірмей қаржып алса, асық ала алмайды да, ойынды келесі балаға береді. Ол жоғарыда айтылған тәсілмен ойнай береді. Әр ойын сайын ұпай саны алынған (ұтқан) асықпен есептеледі.