Қарынжарық құмы
Қарынжарық – Маңғыстау түбегі мен Үстірт аралығындағы құмды алқап.
| Қарынжарық құмы | |
| Сипаттамасы | |
|---|---|
| Ұзындығы | 130, 160 км |
| Ені | 24, 40 км |
| Ауданы | 2000 км² |
| Орналасуы | |
| 42°27′59″ с. е. 53°46′42″ ш. б. / 42.466255° с. е. 53.778418° ш. б. (G) (O) (Я)Координаттар: 42°27′59″ с. е. 53°46′42″ ш. б. / 42.466255° с. е. 53.778418° ш. б. (G) (O) (Я) | |
| Ел |  Қазақстан |
| Аймақ | Маңғыстау облысы |
| Орналасуы | Маңғыстау түбегі мен Үстірт аралығы |
Басқа мағыналар үшін Қарынжарық деген бетті қараңыз.Географиялық орны
өңдеуМаңғыстау облысының Қарақия ауданындағы жерінде орналасқан.
Жер бедері
өңдеуСолтүстіктен оңтүстік-батысқа қарай 130 – 160 км-ге созылған, ені 24 – 40 км. Ауданы 2 мың км2. Негізгі жыныстарының мүжіліп, үгілуінен қалыптасқан құмды төбелердің биіктігі кейде 5 – 15 м-ге жетеді. Кей жері тақырға, сортаңға, сорға айналған. Шығысын бойлай теңіз деңгейінен 52 м төмен жатқан Кендірлі соры мен Қарынжарық ойысы орналасқан.
Климаты
өңдеуКлиматы континенттік, қаңтар айының орташа температурасы –5 – 6°С, шілдеде 27°С. Жауын-шашын мөлшері 120 – 150 мм шамасында. 3 – 7 м тереңдікте минералды грунт сулары бар.
Өсімдігі
өңдеуШығысы құмды саздақтардан құралған аллювийлік жазық. Мұнда жусан, сораң өседі. Батысының жері дөңестеу, онда баялыш, жусан, жүзгін, күйреуік, ақ сексеуіл өседі. Солтүстігінде ойыс Қарабауыр жонына ұштасады. Мал жайылымы.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5