Қарға тұқымдастар (лат. Corvidae) – Торғайтәрізділер отрядының ең ірі өкілдері жиналған торғай тәріздестер отрядына жататын 73 тұқымдастардың біреуі. Бұлар – басы біршама үлкен, дене бітімімығым және әмбебап үлкен тұмсығы, құрлықта да, ағаш бұтақтарымен де жүруге бірдей бейімделген күшті аяғы бар құстар. Тығыз жабын қауырсынының реңі онша ашық емес, олардың арасында көбінесе жылтыр қара түс жиі кездеседі, Аталығы мен аналығының реңі бірдей. Қара тұқымдастар сайрағыш құстар отряд тармағына жатқанмен де, олардың арасында нағыз сайрағыштар жоқ, олардың дауысы дөрекі және ащы. Көбінесе қарқылдаған дыбыс шығарады. Сондай-ақ бұл құстар сыртқы орта жағдайына тез бейімделеді. Сондықтан бұлар құстар арасындағы қазіргі ең өркендеп бара жатқан құстар тобы болып есептеледі. Қарға тұқымдастардың саны ұдайы өсе түсуде, сондықтан оларды ретке келтірудің ғылыми әдістерін жетілдіру уақыты басталады[1].
- ↑ Құстар. Мектеп энциклопедиясы, 2010, Ковшарь Анатолий Федорович, ISBN 978-601-282-168-0, 352 бет, Алматы: Атамұра
