Қарғалы қойы

Қарғалы қойы – биязылау жүнді қой тұқымы. Құйрықты қазақы қой мен еділбай қойының будан саулықтарын сараджа, дегерес қойларымен будандастырып, алынған ұрпақты одан әрі сұрыптау арқылы 1931 жылдан бастап шығарылды.

Қарғалы қойы
Қарғалы қойы
Қарғалы қойы
Амандық күйі
Үй жануары
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: жұптұяқтылар
Тұқымдасы: Қуысмүйізділер
Тегі: Қой
Түрі: Қарғалы қойы
Екі-есімді атауы
Қарғалы қойы

Биологиялық сипатыӨңдеу

Қошқары 90 – 100 кг, саулығы 58 – 62 кг. Қозысы енесінен айырарда 33-37 кг тартады. Қошқарынан 4,5 – 5,7 кг, саулығынан 2,2 – 2,5 кг жүн қырқылады. Таза жүн түсімі 70%, жүн талшығының ұзындығы қошқарында 25,5 см, ал саулығында - 23 см. 100 саулықтан 105-112 қозы алынады.

Таралу аймағыӨңдеу

Қарғалы қойы Қазақстанның оңтүстік-шығыс, орталық, шөл және шөлейт аймақтарының табиғи жағдайына көнбіс. Қарағанды, Алматы облыстарында өсіріледі.

Шаруашылықтағы қолданысыӨңдеу

Қарғалы қойының жүні кілем, тоқыма бұйымдарын тоқуға пайдаланылады. Тұқым жақсарту жұмысымен Қазақ қой шаруашылығы ғылыми-зерттеу технологиялық институты шұғылданады. [1]

ДереккөздерӨңдеу

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5