Қасқатөбе
Қасқатөбе – ежелгі қоныс орны, Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.
Орналасқан жері
өңдеуТөле би ауданы, Жаңажол ауылынан 1 км солтүстікте, Бадам өзенің оң жағалауында орналасқан.
Сипаты
өңдеу1979 жылы Шымкент педагогикалық институтының (қазіргі Халықаралық қазақ-түрік университеті) археологтар тобы ашып, 1982 жылы зерттеу жұмыстарын жүргізген.
Қазіргі орны табанының ауданы 100х60 м, үстіңгі бөлігі 40х20 м, биіктігі 6-8 м, солтүстіктен оңтүстікке созыла жатқан төбе. Қоныстын оңтүстік-шығыс бөлігінен аумағы 6х3 м, тереңдегі 1 м жерде қазба жұмыстары жүргізілген. Бұл жерден құрылыс орындары және шаруашылыққа қажетті бұйым қалдықтары табылған. Тұрғын үй қабырғаларының қалыңдығы 0,6 м-ге жетеді, олар құммен сыланған. Сондай-ақ, зерттеу барысында мал сүйектері (қой, сиыр, жылқы), қыш ыдыс қалдықтары, дән үккіштер қазып алынған. Ыдыстарға геометриялық өрнектер салынған. Табылған заттарға қарағанда Қасқатөбені тұрғындар I-IV ғасырларда мекен еткен. Олар мал, егін шаруашылықтарымен шұғылданған.[1]
Дереккөздер
өңдеу- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8