Қаттани мешіті

Қаттани мешіті

Қаттани мешіті
Сайты	http://www.kattani.kz
Картада орналасуы

Орналаcқан жері

«Абдул Хамид Қаттани» мешіті Шымкент шаһарындағы Қошқар ата өзені бойында, Ордабасы алаңында.

Ғимарат 1995 жылы басталып, 1997 жылғы қарашада пайдалануға берілді. Алла үйін салуға Сауд Арабиясының азаматы Абдул Хамид Қаттани демеушілік етті. Құлшылық орнының атауы осы кісінің құрметіне берілген.

Сипаттамасы

Алла үйі 7 бөлмеден: үлкен намаз оқу залы, Құран оқу бөлмесі, имам бөлмесі, найб имам мен баспасөз хатшысының бөлмесінен тұрады. Екі бөлмеде әйелдер намаз оқиды.

Күмбезінің шеңбері 11, биіктігі 9, 60 сантиметр. 2006 жылғы шілде айында күмбез жаңартылып, алтын түстес сары металмен қапталды. Бұған кәсіпкер, өзге дін өкілі А.Лобачевский көмек көрсетіп, барлық шығынды мойнына алды. Мұндай күмбезді мешіт республикамызда үш жерде ғана бар. Бірі Елордамыздағы «Нұр-Астана» мешіті, екіншісі Алматы орталық мешіті, үшіншісі осы «Абдул Хамид Қаттани» мешіті. Күмбездің тотықпайтын алтын түстес сары қаңылтыры балық қабыршығының көрінісін білдіретін өрнекпен өрнектелген. Күмбез ішіне «Фатиха» сүресі жазылып, бұған қосымша мешіт михрабының көрінісі бейнеленген. Михрабта «Аятул курси» сүресі өрнектелген. Терезелері пластикалық металдан жасалған.

Құлышылық үйінің көлемі 845,5, үлкен залы 437,0 шаршы метр. Бөлмелері төртеу. Біріншісі 31,6, екіншісі 31,9, үшіншісі 46, төртіншісі 44,3 шаршы метр. Қосалқы 2 бөлмесінің бірі 13,6, екіншісі 12,1 шаршы метр. Орташа биіктігі 4,7 метр. Мұнда бір уақытта 1000 кісі намаз оқи алады. Негізгі намаз өтетін залына Біріккен Араб Әмірлігінен әкелінген салмағы 250 келілік аспалы шам ілінген. Үлкен залындағы жайнамаздар Түркиядан елінен әкелінген.

Мештке кіру баспалдақтары 11, ал үлкен есігі екі жаққа қарай ашылады. Есіктің жақтауы шынар ағашынан өрнектеліп жасалған. Сырттан келетін жолдың екі шетінде райхан гүлдері егілген. Аулада 8 алма, 22 шырша, 12 шабдалы, 12 шие, 3 қара өрік өсіп тұр. Жуынатын орын жөндеуден өткізіліп, кафельденген.

Мешіт бөлмелері

Мұнда дінімізді насихаттау үшін арнайы кітапхана, дәрісхана бөлмелері жұмыс істейді. Бұдан бөлек, өмірден қажыған жандарға рухани көмек көрсету мақсатында «сабырлылық» бөлмесі ашылған.

Сонымен бірге, облыс басшылығы демеушілігімен электр трансформаторы жаңартылып, жеке жылыту газ қондырғысы орнатылды. Қақпасы оюмен нақышталған темір металдан жасалған. Ауласында 80 автокөлікке лайықталған арнайы автотұрақ бар. Сондай-ақ, солтүстік бөлігі жағында, Төлеби көшесінің бойында бес дүңгіршек ашылған. Онда Діни басқарманың ислам дінін насихаттайтын, арнайы сараптаудан өткен кітаптары мен кітапшалар, қолөнер бұйымдары, ислами тұрғыдағы т.б. да түрлі заттар сатылады.

2008 жылы мешітке облыстың бұрынғы әкімі Н.Әшімовтің демеушілігімен соңғы үлгідегі «Тойота-камри» автокөлігі берілді. «Абдул Хамид Қаттани» 2000 жылдан, облыстық орталық мешіт қызметін атқарып келеді.

Мешіт суреттері

• 
  Мешіттің алдыңғы жақ көрінісі
• 
  Мешіттің жанынан көрініс
• 
  Имам мінбері
• 
  Имам бөлмесі
• 
  Үлкен зал
• 
  Неке қию бөлмесі

Мешіттің ресми сайты

• Қаттани мешітінің ресми сайты 2010 жылдың қайтар айының 5 жұлдызынан бері жұмыс жасап келеді. Интернеттегі мекен жайы: www.kattani.kz