Қатысушы:Гұлнар Құрбанқызы/Нұрхалық Абдырақын. Жазушы, аудармашы, ғалым.

1976 жылы мамырдың 25 жұлдызында дүниеге келген. Филология ғылымдарының PhD докторы. 1997 жылдан бері оқытушылық жұмыспен шұғылданды. 2004 жылдан Түркістан қаласындағы Қ.Яссауй атындағы қазақ-түрік халықаралық университетінде оқытушы. 2007 жылдан бері Әл-Фараби атындағы қазақ ұлттық университетінде аға оқытушы, бүгінде доцент міндетін атқарады. Әлем халықтары жазушылар одағының мүшесі. 2012-2016 жылдар арлығында Әл-Фараби атындағы қазақ ұлттық университетінің баспа үйінен «Қазіргі қытай тілінің грамматикасы», «Жаңа заман қытай әдебиеті», «Көне қытай әдебиеті», «Қытайша-қазақша фразеологиялық сөздік», «Қысқаша қазақша-орысша-ағылшынша-қытайша-арабша-түрікше этнографиялық сөздік», «Қазақ және әлем тілдері мақал-мәтелдері», «Қазақша-орысша-ағылшынша-экономикалық сөздік», «Қытай тіліндегі елтануға қатысты мәтіндер топтамасы» қатарлы оқулықтар мен сөздіктердің авторы. 2016 жылы «Қытай-қазақ тіліндегі бастауыш-баяндауштық сөйлемді салыстыра зерттеу» атты монографиясы жарық көрді. Қытай тіліндегі «中国神话故事Қытай мифтері», Ваң Бонанның «哲理的天平Даналықтың дәйегі», «中国文化之旅Қытай мәдениетіне саяхат», Уаң Мэңның Күлкі мен жел (роман). Шен Шисидың Қасқырдың қаншық патшасы (роман) қатарлы кітаптарды қазақ тілінде сөйлетті. 2010 жылы Ан-арыс баспасынан «Иірім» атты романы оқырманға жетті. 2016 жылы Алматы ҚазҰУ баспасынан «Аңсау» атты әңгімелер жинағы шықты. Әңгімелерінде руханитқа терең бойлап өз ұлтының үзілген тамырды іздеумен келеді. Оның «Абылай ханның пірі», «Иассауй кесенесінің салыну сыры», «Түйенің шудасындағы Құран», «Зауал», «Жан тыныштығы», «Мимрт», «Қала», «Злмауыр», «Ит тірлік» атты әңгімелері оқырманын бей-жай қалдырмады. Бүгінгі таңда публистикалық, ғылми мақалалары мен әңгімелері, афаризмдері, әдеби көркем аудармалары мерзімді баспа сөзде көптеп жарық көріп келеді.