Қатысушы:Кулмаханбетов Жанарыс/Сары сөмкелі өрмекші

Сары сөмкелі өрмекші немесе Қара аяқты өрмекші деп аталады.

Сыртқы келбеті

Сары сөмкелі өрмекшінің аналықтарының ұзындығы — 5—9 мм, аталықтарының — 4—8 мм, 8 көзі бар. Аяқтарының ұзындығы 25 мм болады. Түсі ақшыл сары немесе сарғылт жасыл болады. Құрсағында қызғылт сары жолағы бар. Артқы үш жұп аяқтары алдыңғы жұп аяқтарынан қысқалау болады.

Өмір сүру әдеттері және қоректенуі

Сары сөмкелі өрмекшілер кішкентай жәндіктермен және басқа өрмекшілермен қоректенеді. Бұл өрмекшілер түнде көбірек белсенділік көрсетеді. Алдыңғы жұп аяқтары сезімтал, өрмекші сол арқылы өз қорегін табады.

Көбеюі

Сары сөмкелі өрмекшілер күзде жұмыртқалайды. Аналығы ұрықтанғаннан кейін қапшықтарды тоқып, әр қапшыққа 30-ден 48 жұмыртұаға дейін салады. Жұмыртқадағы жаңа өрмекшілер көктемде жетіліп қапшықтарынан шыға бастайды, қапшықтарын жарып шыққанға дейін аналығы жұмыртқаларды қорғайды.

Қауіпі

Бұл өрмекшілердің хелицерасы мықты болғандықтан адам терісін оңай зақымдайды. Сары өрмекшілер адамдар бақшада жүргенде шабуылдайды. Күндіз жібек жіптен тоқылған қапшықтарында жасырынып жатады. Америкадағы адамдар өзге өрмекшілерге қарағанда сары сөмкелі өрмекшілерден көп зақым алады.

Таралуы

Сары сөмкелі өрмекшілер Солтүстік Америкаға бейімделген. Бұл өрмекшілер бақшаларда немесе адамдардың үйлерінде тұрады.