Қатысушы:Dester Trey/зертхана

Бәшерден Бейсенбекұлы

Бәшерден Бейсенұлы(1866 ж.ш. - 23.2.1923) -1916 жылғы ақ патшаның қазақтан солдат алу туралы әйгілі Маусым жарлығының қорлығына шыдамай, Баянаула өңіріне қарасты елдердің жігіттерін көтеріліске ертіп шыққан батыр, тарихқа енген "Алабас-Далба" көтерілісінің басшысы. Азан шақырып қойған аты - Наурызбай. Жаяу Мұсаның "Хаулау" әнінде: "Наурызбай екінші атың сен Бәшерден...", - деп айтылатын жолдар бар. Бәшерденнің тұлғасы жазушы Зейтін Ақышұлының "Ақбел асуы" романында, Сабыр Шәріповтың "Алабас көтерілісі" әңгімесінде бейнеленген. Жүсіпбек Аймауытовтың "Қартқожа" романындағы Дәрмен - Бәшерденнің прототипі. Бәшерден шешен, тапқыр, өткір және батыр адам болған. Оның шығу тегі турасында Мәшһүр Жүсіп: "Тәйкелтір Төленнің Ақшоқысының күнгей жағы Қаратомар қырық үй мамыттардың қонысы болады, ел Бәшерденге қырық жігіт ерген соң айтады. Қаратомардағы түтін ары барса жиырмадан аспайды. Мамыт айдабол Жанқозыдан тарайды, Жанқозыдан Лапақ, одан Мамыт туады. Мамыттан Батыр, Бейсен, одан Бәшерден туады. Мамыттар қырық үй,олар Құрттыда болған. Мамыттардың жүз он бес үйі Шілдертіде болған, Далбада қырық үй мамыт болған екен. Бәшерден қырық жігіт ұстаған екен. Ескендір деген атқосшысы болып,атын жаратқан. Бәшерденнің өзі де атбегі болған»,- дейді. Кеңестік дәуірде ұлтшыларды дәріптеуді құптамаған.