Қатысушы:Gumarqyzy A/зертхана

Жаңбыршин Алым

Жаңбыршин Алым (1925 ж.т., Маңғыстау ауд., Ақшымрау с. - 1978) - домбырашы, Маңғыстау күй өнерінің аса көрнекті өкілі. Ұлы Отан соғысына қатысып, парашютші-десант болған.1946 ж. елге оралғаннан кейін, халық шаруашылығын көтеруге араласты. Маңғыстау ауд. партия комитетінде бөлім меңгерушісі, басқа жауапты қызметтер атқарды. 1958 ж. ҚазМҰУ-дің экон. ф-тін бітірген. Содан кейін Маңғыстау мұнай- газ барлау экспедициясының бөлім бастығы, Форт-Шевченко ауд. партия комитетінің 2- хатшысы, Шевченко қалалық партия комитетінде бөлім меңгерушісі, Маңғыстау мұнай бірлестігінде бөлім бастығы қызметтерін атқарды. Өмірінің соңғы жылдарында мұнай, газ, химия кәсіподағы облыстық комитетінің төрағасы, Маңғыстау КП облыстық комитетінің партия бақылау комитетінің төрағасы қызметтерінде болды. Ол қандай қызметтер атқармасын, халық арасында шебер домбырашы, елге танымал абзал азамат ретінде белгілі болды. Есір, Арал, Өскенбай, Шамғұл, Мұрат дәстүрлерін жалғастырушы, дамытушы. Ж. өмірінің соңғы жылдарында «Ағама», «Шалқыма» атты күйлер шығарды.