Қатысушы:Kamshat.konyrbaeva/зертхана

Біздің ауылдың жұлдыздары әдемі

  Ауылға барсаң, түндегі төбеңнен көмкеріліп тұратын жұлдызды аспанның бала қиялына әсері күшті...
  Ғарыш – бізден алыста орналасқан өзіндік ерекшеліктері бар бітұтас әлем. Ал жұлдыздарға келетін болсақ күннен бірнеше есе үлкен, ауыр болып келеді. Сол жұлдыздарға бір көз жүгіртіп көріңізші. Не деген керемет. Мен әр ауылға барған сайын далада киіз үйде  жатамын. Жатқан кезде шаңырақтан әп-әдемі жұлдыздар көрінеді. Түнде ағып бара жатқан жұлдызға қарап тілек айтсаң тілегің орындалады деуші еді! Менде сол сияқты ағып бара жатқан жұлдызға тілегімді айтамын.
  Кей кездері түнде оянып кетіп далаға шығып жұлдызды аспанға тамсанып отырамын. Жұлдыздар бізден өте алыста болса да мен оларға барғым келеді. Бірақ әттең біз оған бара алмаймыз. Алайда біз жұлдыздарға тамсанып қарап отыра аламыз.
  Жұлдыздардың белгілі бір аттары болады. Бұрындарда сол жұлдыздарға ат қойып, ертеңгі күнді, ауа райын болжаған. Тереңдеп кетсек, бұл жұлдыз шоғырының әрбірінің атауы бар, олардың бәрі арабтар берген есімдер. Үлкен аю арқылы Кіші аю жұлдыз шоғырын тауып көрелік. Ол үшін Үлкен аюдағы ең жарық Дубхе жұлдызын ойша жоғарыға қарай сызықпен жүргізсеңіз кәдуілгі Темірқазық жұлдызын табасыз. Яғни жұлдыздарды оңай әрі тез табуға болады. 
  Біздің ауылдың жұлдыздары әдемі екен ғой, шіркін! Туған жердің топырағыншаңдатып жүрген шақтарда қалайша аңдамағам мұны? Шалалық... Мен туған өлкеде маса деген жәндік атымен жоқ. Сондықтан ашық аспан астында қамсыз ұйықтай бересің. Рахат! Ең бастысы, бұл – жұлдыздармен емін-еркін тілдесу үшін тамаша мүмкіндік. Темірқазық, Ақбозат, Үркер, Жетіқарақшы... Жетіқарақшы мен үшін «аспан бақырашы» еді. «О, Құдайдың құдіреті (әжемнен жаттап алғаным) осынша үлкен жұлдыз бақырашта болады екен-ау!» Бауырым екеуміз қашанда ең жарық жұлдызды иемденуге тырысамыз, ал көмескілеу жұлдыздар елеусіз қалатын. Мен бір нәрсеге (шынымен) түсінбейтінмін: өзімнің шарбағымда даЖетіқарақшы, Құс жолы бар, көршімдікінде де солай, құрбымдікінде де солай. Қалай сонда?Әр шарбаққа бір аспан тиесілі ме? Айта берсең аспан әлемі жайлы әңгіме көп. Біздің ауылдың жұлдыздары керемет! Ал сенің ауылыңның жұлдыздары қандай?

№ 201 мектеп-лицейі 6 «Г» сынып оқушысы Нұрат Гүлжаз